મોબાઇલના કેમેરા સતત ઇમ્પ્રુવ થઇ રહ્યા છે તો મીડ રેન્જ ફોનમાં પણ હવે 64 જીબી સ્ટોરેજ સામાન્ય બની ગયું છે. મોબાઇલે હવે ડિજિટલ કેમેરાની છુટ્ટી કરી દીધી છે તેમ પણ કહી શકાય. લોકો હવે સ્ટોરેજની ચિંતા કર્યા વિના ફોટો અને વિડીયો મોબાઇલમાં રાખી શકે છે.
કેટલીક ખાસ એપ્સ દ્વારા ડિલીટ કરેલા ફોટા રિકવર કરવા સરળ
એપ્સ દ્વારા મોબાઇલના મેમરી કાર્ડમાંથી ડિલીટ ડેટાને ફરીથી લાવી શકાય છે
ગૂગલ પ્લે સ્ટોર પરથી આ એપ્સ ડાઉનલોડ કરી શકાય છે
પરંતુ જો તેને ગુગલ ફોટોસ કે અન્ય કલાઉડ સ્ટોરેજમાં સેવ ન કર્યા હોય અને ભુલથી કે કોઇ એરરથી ડિલીટ થઇ જાય ત્યારે મુશ્કેલી સર્જાય છે. ડિલીટ કરેલા ફોટા રિકવર કરવાનું એટલું સહેલું નથી. જોકે સારી વાત એ છે કે એવી કેટલીક એપ્સ છે જે તમારી આ ચિંતા દુર કરી શકે છે, અને ડિલીટ કરેલા ડેટાને ફરી રિકવર કરે છે.
DiskDigger Photo Recovery :
આ એપ્લિકેશન દ્વારા સરળતાથી ડિલીટ કરાયેલા ફોટા, વિડિઓઝ અને ફાઇલોને ફરીથી રિકવર કરે છે. ઉપરાંત મોબાઇલના મેમરી કાર્ડમાંથી ડિલીટ ડેટાને ફરીથી લાવી શકાય છે. આ એપ માટે મોબાઇલને રુટ કરવાની જરુર નથી, ગૂગલ ડ્રાઇવ, ડ્રોપબોક્સ, અને ઇમેઇલનો ડેટા પણ રિકવર કરી શકાય છે. આ એપ્લિકેશન ફકત 2.3 એમબીની છે.
Super Backup & Restore :
એન્ડ્રોઇડ યુઝર્સ આ એપ્લિકેશનની મદદથી મેસેજ, કોલ હિસ્ટ્રી અને બુકમાર્ક્સને રિકવર કરી શકે છે. એસડી કાર્ડ, જીમેઇલ અને ગૂગલ ડ્રાઇવમાંથી ડેટા પાછો મેળવી શકાય છે. આ સિવાય ગ્રાહકો એસએમએસ, વોઇસકોલ રેકોર્ડિંગ અને એમપી 3 ફાઇલો ફરીથી ઇન્સ્ટોલ કરી શકશે. ગૂગલ પ્લે સ્ટોર પરથી આ એપ ડાઉનલોડ કરી શકાય છે.
Dumpster :
આ પોપ્યુલર એપ રિસાયકલ બિનની જેમ કામ કરે છે. આ એપ ડાઉનલોડ કર્યા પછી આપોઆપ ડેટાનો બેકઅપ લેવાનું શરૂ કરે છે. ડિલીટ કરેલો ડેટા રિસાયકલ બિનના ઓપ્શનને કલીક કરતા જોવા મળે છે. માત્ર વધુ એક ક્લિકથી ડેટા રિસ્ટોર કરી શકાય છે. આ એપ 16 એમબીની છે.
DigDeep Image Recovery :
સરળ ઇન્ટરફેસ ધરાવતી આ એપ જેપીજી, પીએનજી અને જેપીઇજી ફોર્મેટના ફોટાઓ આસાનીથી રિકવર કરી શકે છે. આ એપ માટે મોબાઇલ રુટ કરવાની જરુર નથી.
GT Recovery :
મોબાઇલને સ્કેન કરીને આ એપ ડિલીટ થયેલી ફાઇલોને પાછી લાવે છે. તેની વિશેષતા એ છે કે મોબાઇલ રિસેટ કર્યો હોય તો પણ ડેટા રિકવર થઇ શકે છે.