હેર કેર ટિપ્સ / વાળ ખરવા અને ખરાબ થવા પાછળ જવાબદાર છે પ્લાસ્ટિકનો કાંસકો, આવો કાંસકો વાળ માટે છે શ્રેષ્ઠ

• તમે પ્લાસ્ટિકના કાંસકાનો ઉપયોગ કરો છો તો ચેતી જજો
• પ્લાસ્ટિકના કાંસકાનો ઉપયોગ કરવાથી વાળ અને માથાને ઘણાં નુકસાન થઈ શકે છે
• લાકડાનો કાંસકો વાળને નેચરલી મજબૂત અને ભરાવદાર બનાવે છે

પ્લાસ્ટિકના કાંસકાનો ઉપયોગ કરવાથી વાળ અને માથાને ઘણાં નુકસાન થઈ શકે છે. ત્યાં જ વૂડન એટલે કે લાકડાનો કાંસકો વાળને નેચરલી મજબૂત અને ભરાવદાર બનાવે છે. સાથે જ તેના પ્રયોગથી વાળમાં કોઈપણ પ્રકારની સમસ્યા થતી નથી. પછી તે વાળ ખરવાની સમસ્યા હોય કે ડેન્ડ્રફની સમસ્યા હો. આ બધી જ સમસ્યાઓ લાકડાનો કાંસકો વાપરવાથી દૂર થઈ શકે છે. તો ચાલો જાણી લો ફાયદા. 

માથામાં બ્લડ સર્ક્યુલેશન સુધારે છે

લાકડાનો કાંસકો સ્કેલ્પ માટે બહુ જ સારો હોય છે. તેનાથી પેદા થતી ગરમ માથામાં બ્લડ સર્ક્યુલેશન વધારે છે અને વાળનો ગ્રોથ પણ વધારે છે. માઈગ્રેનની સમસ્યા દૂર થાય છે. જે લોકોની સ્કેલ્પ સેન્સિટિવ હોય છે. તેમના માટે પણ તે ફાયદાકારી છે.
 
ભીના વાળમાં પણ સરળતાથી કરી શકો કાંસકો

અન્ય કાંસકાની તુલના માટે લાકડાનો કાંસકો નરમ હોય છે. જે સેન્સિટિવ સ્કેલ્પને નુકસાનથી બચાવે છે. ભીના વાળમાં પણ તેનાથી વાળ ઓળવાથી વાળ તૂટતા નથી અને વાળની ગૂંચ પણ સરળતાથી નીકળી જાય છે.

ડેન્ડ્રફ દૂર થાય છે

જો તમારા વાળમાં બહુ વધારે ડેન્ડ્રફની સમસ્યા થાય છે તો લાકડાનો કાંસકો તમારા માટે બેસ્ટ છે. તેના ઉપયોગથી વાળની ઓઈલ ગ્લેન્ડ્સ ઓપન થઈ જાય છે તેનાથી સ્કેલ્પ ડ્રાય થતી નથી અને વાળ સ્મૂધ રહે છે. વાળ મૂળથી મજબૂત થાય છે વધુ ખરતાં નથી અને ડેન્ડ્રફ પણ થતો નથી. 

નેચરલ કંડીશનર

જો તમારા વાળ લાંબા હોય તો તમારા માટે લાકડાનો કાંસકો બેસ્ટ છે. વાળમાં તેલ લગાવ્યા બાદ કાંસકો કરવાથી તેલ વાળમાં બધે જ બરાબર લાગી જાય છે. આ વાળ માટે એક નેચરલ કંડીશનરનું પણ કામ કરે છે. તેનાથી વાળ શાઈની દેખાય છે.