ઈંડા એક એવું સુપરફૂડ છે જેમાં પ્રોટીન, કેલ્શિયમ, ઓમેગા-3 ફેટી એસિડ, વિટામિન એ, બી ભરપૂર માત્રામાં હોય છે. ચાલો જાણીએ કયા ઈંડા ખાવા બેસ્ટ છે.
ઈંડા એક સુપરફૂડ છે
ઈંડા ખાવાથી શરીરને અનેક લાભ મળે છે
કોરોના સંકટમાં હેલ્ધ સારી રાખવા લોકો વધુ ઈંડા ખાવા લાગ્યા છે
અત્યારે કોરોના સંકટમાં લોકો વધુ પ્રમાણમાં ઈંડા ખાય છે. જેથી ઈમ્યૂનિટી વધે અને હેલ્ધ સારી રહે. રોજ ઈંડા ખાવાથી શરીર ગંભીર બીમારીઓ સામે રક્ષણ મળે છે. સાથે જ ઈંડા ખાવાથી હાડકાંઓ પણ મજબૂત બને છે. પણ ઘણાં લોકોને મૂંઝવણ હોય છે કે કયા ઈંડા ખાવાથી વધુ ફાયદા મળે છે બ્રાઉન કે વ્હાઈટ. ચાલો જાણીએ.
બ્રાઉન કે વ્હાઈટ, કયા ઈંડા છે બેસ્ટ?
બ્રાઉન કે વ્હાઈટ બંને ઈંડા પર ઘણાં રિસર્ચ થઈ ચૂક્યા છે. જેમાં આ બંનેમાં કોઈ ખાસ અંતર ખબર પડી નથી. બંનેના ફાયદા, ક્વોલિટી, આકાર ઘણી હદ સુધી સરખાં છે. બંનેમાંથી પોષણ પણ લગભગ સમાન જ મળે છે. પણ બ્રાઉન ઈંડામાં ઓમેગા-3 ફેટી એસિડ થોડું વધારે હોય છે અને તેની તાસીર પર વ્હાઈટ ઈંડા કરતાં વધુ ગરમ હોય છે.
બ્રાઉન કે વ્હાઈટ ઈંડામાં શું ફરક છે?
ઈંડા 2 પ્રકારના હોય છે દેશી અને પોલ્ટ્રી. દેશી ઈંડા બ્રાઉન રંગના હોય છે જ્યારે પોલ્ટ્રી ઈંડા સફેદ રંગના હોય છે. બ્રાઉન ઈંડા, વ્હાઈટ ઈંડા કરતાં વધુ હેલ્ધી હોય છે, આ જ કારણથી લોકો વધુ બ્રાઉન ઈંડા ખાવાનું પસંદ કરે છે. બ્રાઉન ઈંડામાં પ્રોટીન, કોલેસ્ટ્રોલ અને કેલરીની માત્રા પણ વધુ હોય છે. આ જ કારણથી દેશી ઈંડા થોડાં વધુ મોંઘા હોય છે. બધાં ઈંડામાં લગભગ સમાન વિટામિન, મિનરલ, પ્રોટીન અને કેલરી હોય છે. ઈંડાના રંગથી તેના પૌષ્ટિક તત્વો પર કોઈ અસર થતી નથી.
કઈ રીતે અને ક્યારે ખાવા ઈંડા?
રોજ 2 બાફેલાં ઈંડા બ્રેકફાસ્ટમાં ખાવાથી શરીરને ઘણી બીમારીઓથી બચાવી શકાય છે. સવારે ઈંડા ખાવાથી શરીરને સૌથી વધુ ફાયદા મળે છે. આ સિવાય જે લોકો જિમ જાય છે અને બોડી બનાવવા માગે છે તેમણે દૂધમાં કાચું ઈંડુ મિક્સ કરીને પીવું. ઈંડાનો પીળો ભાગ પણ ઘણી બીમારીઓથી બચાવવામાં મદદ કરે છે.
ઈંડા ખાવાના જબરદસ્ત ફાયદા
ઈમ્યૂનિટી વધારે છે
રોજની ડાયટમાં ઈંડા સામેલ કરવાથી ઈમ્યૂનિટી વધે છે. સાથે જ ઈન્ફેક્શન, શરદી, ખાંસી જેવી સમસ્યાઓ સામે પણ રક્ષણ મળે છે.
એનિમિયાથી છૂટકારો
એનિમિયાના દર્દીઓ માટે ઈંડા બહુ જ ફાયદાકારક હોય છે. તેમાંથી ભરપૂર પ્રમાણણાં વિટામિન બી મળે છે. તેનાથી શરીરમાં લોહીની કમીની સમસ્યા દૂર થાય છે.
આંખો અને મગજ માટે ફાયદાકારક
ઈંડામાં કોલિન નામનું પોષક તત્વ હોય છે. જે સમજણ શક્તિ વધારે છે, સાથે જ તેમાં રહેલું કેરોટીનોઈડ્સ આંખોની રોશની વધારવામાં પણ મદદ કરે છે.
વજન કંટ્રોલ કરે છે
રોજ સવારે બ્રેકફાસ્ટમાં ઈંડા ખાવાથી પેટ આખો દિવસ ભરેલું રહે છે અને ઓવરઈંટિગથી બચી શકાય છે. ઈંડામાં રહેલાં પોષક તત્વો વજન ઓછું કરવામાં મદદ કરે છે.
હાર્ટ માટે બેસ્ટ
રોજ 2 ઈંડા ખાવાથી ખરાબ કોલેસ્ટ્રોલ ઓછું થાય છે અને ગુડ કોલેસ્ટ્રોલ શરીરમાં વધવા લાગે છે. તેનાથી હાર્ટ ડિસીઝનો ખતરો પણ ઓછો થાય છે.
બ્રેસ્ટ કેન્સર
ઈંડામાં રહેલું ફોલિક એસિડ અને વિટામિન બી12 મહિલાઓને બ્રેસ્ટ કેન્સરથી બચાવવામાં પણ મદદ કરે છે. જેથી મહિલાઓએ પણ રોજ ઈંડા ખાવા જોઈએ.