ફાયદાકારક / વાળને હેલ્ધી, સિલ્કી અને સોફ્ટ બનાવવા માટે બેસ્ટ છે આ 1 માસ્ક લગાવી લો, એક સપ્તાહમાં દેખાશે અસર

બદામના તેલનું માસ્ક બનાવવા માટે જરૂરી સામગ્રી
 
-4 ચમચી બદામનું તેલ
-અડધો કપ કેળાની પેસ્ટ
-2 ચમચી મધ
-1/4 કપ કાચું દૂધ
 
બનાવવાની વિધિ
 
આ હેઅર માસ્ક બનાવવા માટે એક બાઉલમાં ઉપર જણાવેલી બધી જ સામગ્રી બરાબર મિક્સ કરીને તેની પેસ્ટ જેવું બનાવી લો. 

લગાવવાની રીત
 
હવે વાળના ભાગના કરીને સ્કેલ્પમાં આ માસ્ક લગાવો. સાથે જ સમગ્ર વાળમાં પણ આ માસ્ક લગાવો. પછી શાવર કેપ પહેરી લો. 15 મિનિટ પછી હર્બલ શેમ્પૂથી વાળ ધોઈ લો. આ માસ્ક સપ્તાહમાં 2 વાર લગાવવો. 
 
માસ્કના ફાયદા

બદામના તેલમાં ઓમેગા-3 ફેટી એસિડ્સ, મેગ્નેશિયમ, વિટામિન ઈ હોય છે. જે વાળને મજબૂત બનાવવામાં અને પોષણ આપવામાં મદદ કરે છે. તેની સાથે જ બદામનું તેલ વાળ ખરવાની સમસ્યાને રોકવામાં પણ મદદ કરે છે. સપ્તાહમાં બેવાર આ માસ્ક લગાવવાથી વાળ હેલ્ધી, સોફ્ટ અને સિલ્કી બને છે.