બેસ્ટ ટિપ્સ / ચહેરા પર વારંવાર પિંપલ્સ થઈ જાય છે? તો આ 5 ટિપ્સ અપનાવી લો, કાયમી છુટકારો મળી જશે

• વારંવાર ચહેરા પર પિંપલ્સ થઈ જાય તો કરો આ ઉપાય
• આટલું ધ્યાન રાખશો તો ક્યારેય નહીં થાય આ સમસ્યા
• પિંપલ્સને દબાવાથી તેમાં ઈન્ફેક્શનનો ખતરો વધે છે

તમે ચહેરાના ડાઘ-ધબ્બા ભલે મેકઅપથી છુપાવી દો, પણ ચહેરા પર થતાં પિંપલ્સ અને ફોડલીઓ છુપાવવા માટે આ ટ્રિક કામ લાગતી નથી. ઘણીવાર ચહેરા પર મોટી સાઈઝના પણ પિંપલ્સ ઉપસી આવતા હોય છે જેના કારણે ચહેરો બહુ જ ખરાબ દેખાય છે. આ સમસ્યાથી બચવા માટે અને પિંપલ્સ ન થાય તેના માટેની 5 ટિપ્સ અપનાવો.  

માઈલ્ડ ક્લિન્ઝરનો ઉપયોગ

દિવસમાં માત્ર 1-2 વાર ચહેરો માઈલ્ડ ક્લિન્ઝર અથવા નવશેકા પાણીથી સાફ કરો. સ્ક્રબ અથવા હાર્શ વસ્તુઓનો ઉપયોગ સ્કિન પર કરવો નહીં. સાથે જ રાતે ચહેરાની સફાઈ અને મેકઅપ રિમૂવ કરવાનું ભૂલવું નહીં.

તડકાંથી બચો

સ્કિનને તડકાંથી બચાવો. ટેનિંગને કારણે પિંપલ્સની સમસ્યા ગંભીર પણ થઈ શકે છે અને નુકસાન પણ થઈ શકે છે. તેના કારણે રિંકલ્સ વધે છે અને સ્કિન કેન્સરનો પણ ખતરો વધે છે. તમે સનસ્ક્રીન લગાવીને પણ તડકાથી સ્કિનનું રક્ષણ કરી શકો છો.

પિંપલ્સ દબાવવા નહીં

ઘણાં લોકોને પિંપલ્સ દબાવવાની આદત હોય છે. આવું કરવાથી ઈન્ફેક્શન વધે છે અને પિંપલ્સ વધુ ફેલાય છે અને લાંબા સમય સુધી રહે છે. તેના માટે બેન્જોઈલ પેરોક્સાઈડ અથવા સેલીલિલીક એસિડ અને સંતુલિત પીએચ લેવલવાળા ફેસવોશનો ઉપયોગ કરવો. તેનાથી ધીરે-ધીરે પિંપલ્સ દૂર થવા લાગશે.

ટાઈટ કપડાં પહેરવા નહીં

જો તમને છાતી કે પીઠ પર પિંપલ્સ થતાં હોય તો ટાઈટ કપડાં પહેરવા નહીં, કારણ કે ટાઈટ કપડાં પહેરવાથી સ્કિન સાથે ઘર્ષણ થાય છે. જેના કારણે આ સમસ્યા વધે છે અને ઘણીવાર બળતરા પણ અનુભવાય છે. જેથી ઢીલા કપડાં પહેરવા, ખાસ કરીને ગરમીની સિઝનમાં સૂતરાઊ અને ઢીલાં કપડાં જ પહેરવા.

એક્સરસાઈઝ બાદ ચહેરાને સાફ કરો

એક્સરસાઈઝ બાદ ચહેરાને સાફ કરવાનું ભૂલવું નહીં. પરસેવાને કારણે રોમછિદ્રો ખુલી જાય છે. આ જ રીતે ક્યાંક બહારથી ઘરે આવો ત્યારે પણ નવશેકા પાણીથી ચહેરો ધુઓ, જેથી પોલ્યૂશન અને ડર્ટ તમારી સ્કિન પરથી દૂર થઈ જાય. નહીં તો પિંપલ્સ વધી શકે છે.