બેસ્ટ ટિપ્સ / છાતી અને શ્વાસનળીમાં જામેલો કફ પણ નીકળી જશે જો કરશો આ ઘરેલૂ ઉપાય

• ડબલ સીઝનમાં વધી જાય છે શરદી, ખાંસી અને કફની સમસ્યા
• છાતી કે શ્વાસનળીમાં કફ જાણી જાય તો કરો આ ઉપાય
• ઘરેલૂ ઈલાજ દ્વારા દવાઓ વિના જ મટાડી શકાય છે આ સમસ્યા

વારંવાર શરદી થવાને કારણે નાકમાંથી પાણી નીકળવું, છીંકો આવવી, માથું દુઃખવું, આંખો લાલ થવી, આંખ, કાન, નાક, ગળામાં તકલીફ થવી, અશક્તિ લાગવી જેવી સમસ્યાઓ વધવા લાગે છે. મોટાભાગના લોકોને નબળી ઈમ્યૂનિટી કે એલર્જીને કારણે આ સમસ્યા વારંવાર થતી હોય છે અથવા તો સીઝનમાં ફેરફાર થતાં ઘણાં લોકોને કફ, શરદી, ખાંસીની તકલીફો થવા લાગે છે. 

શરદી અને કફને દૂર કરવાના ઘરગથ્થુ ઈલાજ

આદુનો રસ, લીંબુનો રસ અને સિંધવ સમાન મેળવી જમતાં પહેલાં લેવાથી કફ, શ્વાસ અને ઉધરસ મટે છે. 

તુલસીનો રસ 3 ગ્રામ, આદુનો રસ 3 ગ્રામ અને એક ચમચી મધ સાથે લેવાથી કફમાં ફાયદો થાય છે.

1 ચમચી આદુના રસમાં મધ મેળવી પીવાથી કફમાં ફાયદો થાય છે.

એલચી, સિંધવ, ઘી અને મધ સમાન ભાગે ભેગાં કરીને ચાટવાથી કફમાં ફાયદો થાય છે. 

અડધી ચમચી જેટલું ઓર્ગેનિક મધ દિવસમાં ચારવાર ચાટવાથી કફ મટે છે. 

દૂઘમાં હળદર, મીઠું અને ગોળ નાખી ગરમ કરી પીવાથી કફમાં ફાયદો થાય છે. 

રાત્રે સૂતી વખતે 2 ચમચી શેકેલા ચણા ખાઈ ઉપર દૂધ પીવાથી શ્વાસનળી અને છાતીમાં એકઠો થયેલો કફ નીકળી જાય. 

દરરોજ 2-3 ખજૂર ખાઈ ઉપર પાંચ ઘૂંટડા ગરમ પાણી પીવાથી કફ પાતળો થઈને બહાર નીકળે છે અને ફેફસાં સાફ બને છે. 

જવખારની ગોળમાં ગોળી કરી મોમાં રાખવાથી કફમાં ફાયદો થાય છે. 

સૂંઠ, મરી, પીપરને સમાન ભાગે લઈ ચૂર્ણ કરી મધ સાથે લેવું. કફ નીકળી જશે.

લૂખા-સૂકા ખોરાક, ચણા, ધાણી જેવા પદાર્થો ખાવાથી કફમાં ફાયદો થાય છે. 

અજમો અને એલચી સમાન માત્રામાં લઈ ચાવી તેનો રસ ગળી જવાથી કફમાં ફાયદો થાય છે.

કોઈ પદાર્થની એલર્જી હોય કે વિશિષ્ટ પરિસ્થિતિ હોય તો વૈદ્યની સલાહ અનુસાર ઉપચાર કરવા ભલામણ છે.