ચહેરા પર ખીલ, ઓપન પોર્સ, બ્લેકહેડ્સ, ડાર્ક સ્કિનની સમસ્યા અત્યારે દરેકને થાય છે. તેના માટે આજે અમે તમને બટાકાનો એવો ગજબનો ઉપાય જણાવીશું, જે એકવાર કરી લેશો તો આ સમસ્યા દૂર થઈ જશે.
બટાકાના રસમાં અનેક ગુણો રહેલાં છે
બટાકા સ્કિનની સમસ્યાઓને દૂર કરવામાં કારગર છે
ગ્લોઈંગ સ્કિન માટે બટાકાનો પ્રયોગ બેસ્ટ છે
બટાકાનું શાક તો તમે બહુ ખાતાં હશો પણ શાકભાજીનો રાજા બટાકામાં આયર્ન, વિટામિન સી અને રિબોફ્લેવિન ભરપૂર પ્રમાણમાં હોય છે. પણ માત્ર તેને ખાવાથી જ નહીં પણ લગાવવાથી પણ સ્કિનને ઘણા ફાયદા મળે છે. કાચાં બટાકાનો રસ ડાર્ક સર્કલ દૂર કરવામાં મદદ કરે છે. આ સ્કિનના ખુલ્લા રોમ છિદ્રો બંધ કરીને સ્કિનને ટાઈટ રાખે છે અને કરચલીઓ દૂર કરે છે, બ્લેકહેડ્સ અને ખીલમાં પણ રામબાણ છે સાથે જ તેને બનાવવું પણ એકદમ સરળ છે. તો ચાલો જાણીએ.
બટાકા અને હળદર
બટાકા અને હળદરનો ફેસપેક લગાવવાથી ટેનિંગ દૂર થાય છે અને સ્કિનનો રંગ પણ નિખરે છે. તેના માટે અડધાં બટાકાનો રસ કાઢી તેમાં એક ચપટી હળદર પાઉડર મિક્સ કરીને ફેસ અને ગરદન પર લગાવી દો. અડધાં કલાક બાદ ફેસવોશ કરી લો.
બટાકા અને મુલતાની માટી
આ ફેસપેક સ્કિનનો ગ્લો વધારે છે અને ડાઘ-ધબ્બા પણ દૂર કરવામાં મદદ કરે છે. આને બનાવવા માટે અડધાં બટાકાનો રસ કાઢી તેમાં 1 ચમચી મુલતાની માટી અને થોડાં ટીપાં ગુલાબ જળ મિક્સ કરીને ફેસ અને ગરદન પર લગાવો. 30 મિનિટ બાદ ધોઈ લો.
બટાકા અને દહીં
1 મોટી ચમચી બટાકાની પેસ્ટ લઈ તેમાં 1 ચમચી દહીં મિક્સ કરો. પછી આ પેસ્ટ લગાવી અડધો કલાક બાદ ફેસ વોશ કરી લો. આનાથી સ્કિન તરોતાજા અને ટાઈટ પણ બનશે.
બટાકા અને ઈંડુ
બટાકા અને ઈંડાનો ફેસપેક લગાવવાથી સ્કિનના રોમ છિદ્રો ટાઈટ થાય છે. અડધાં બટાકાનો રસ કાઢી તેમાં એક ઈંડાનો સફેદ ભાગ મિક્સ કરીને ફેસ પર લગાવો. 20 મિનિટ બાદ ફેસ વોશ કરી લો.