જો નાની ઉંમરમાં વાળ સફેદ અને નબળાં થઈ ગયા હોય તો અહીં જણાવેલો એક ઉપાય નિયમિત કરવાનું શરૂ કરી દો. ચોક્કસથી રિઝલ્ટ મળશે.
અત્યારે બધાં જ વાળની સમસ્યાઓથી પરેશાન છે
અહીં જણાવેલો દેશી ઉપાય વાળ માટે વરદાન સમાન છે
આ એક ઉપાય વાળને નેચરલી કાળા અને મજબૂત બનાવશે
અત્યારે નાની ઉંમરમાં જ લોકોના વાળ સફેદ થવા લાગ્યા છે. પરંતુ જો સમય રહેતાં ધ્યાન ન આપવામાં આવે તો આખું માથું સફેદ થતાં વાર નથી લાગતી. સફેદ વાળ થતાં રોકવા માટે સૌથી અસરકારક ઉપાય ઘરેલૂ નુસખાઓ જ છે. જેનાથી અગર વાળને ફાયદો ન પણ થાય તો નુકસાન પણ થતું નથી. જેથી આજે અમે તમને એવો નુસખો જણાવીશું, જે તમારા વાળ સફેદ થતાં રોકશે અને મજબૂત પણ બનાવશે.
આ વસ્તુઓ જોઈશે
સફેદ વાળ વધુ સફેદ ન થાય તેના માટેનો એક ખાસ અને સરળ ઉપાય ઘરે જ કરી શકો છો. આ ઉપાય માટે 3 વસ્તુઓની જરૂર પડશે 2 આમળા, 4 ચમચી દહીં અને 1 લીંબુનો રસ.
આ રીતે તૈયાર કરો પેસ્ટ
સૌથી પહેલાં આમળા લઈને તેને મિક્સરમાં પીસી લો. જરૂર પડે તો 1 ચમચી પાણી પણ નાખી શકો છો. પછી તેમાં દહીં અને છેલ્લે લીંબુનો રસ મિક્સ કરીને ગ્રાઈન્ડ કરી લો. આ પેસ્ટ 10 મિનિટ રાખી મૂકો. પછી વાળમાં અડધાં કલાક માટે લગાવી વાળ ધોઈ લો. આ હેર પેસ્ટ સપ્તાહમાં 3 વાર લગાવવાથી જલ્દી ફરક દેખાશે અને તમારા વાળ વધારે સફેદ નહીં થાય અને જે વાળ સફેદ થઈ ગયા છે તે પાછાં કાળા થવા લાગશે.
આટલું ધ્યાન રાખો
વાળને હેલ્ધી રાખવા માટે પૂરતી ઊંઘ લેવી અને ટેન્શનથી બચવું ખૂબ જ જરૂરી છે. નહીં તો નાની ઉંમરમાં વાળ સફેદ થવા લાગશે.
તડકામાં જાઓ ત્યારે વાળ ખુલ્લા રાખવા નહીં અને માથું ઢાંકીને જ બહાર નીકળવું. નહીં તો વાળ જલ્દી સફેદ થવા લાગશે.
વાળને વારંવાર કલર કરવો નહીં. વધારે પડતાં ઈલેક્ટ્રોનિર ઉપકરણો વાળમાં પ્રયોગ કરવા નહીં.