રોજ આપણા દરેકના ઘરમાં ન્યૂઝ પેપર તો આવતું જ હોય છે. સામાન્ય રીતે આપણે તેને વાંચીને પછી રદ્દીમાં ફેંકી દેવા માટે રાખી દેતા હોઈએ છીએ. પણ શું તમે એ જાણો છો કે આ પેપરના કયા કયા ઉપયોગ હોઇ શકે છે. પસ્તીમાં આપવામાં આવતા પેપરના ખાસ ઉપયોગો જે તમારા કામને સરળ બનાવે છે.
ન્યૂઝ પેપરનો આ રીતે પણ કરી શકાય છે ઉપયોગ
આ કામમાં મદદ કરશે ન્યૂઝ પેપર
આજથી જ અજમાવો આ સરળ ટિપ્સ
ક્રિએટિવિટી માટે
જો તમે ક્રિએટિવ છો તો પેપરની મદદથી તમે અનેક પ્રકારના પોટ, લેમ્પ શેડ અને સાથે ફ્લાવર વાઝ પણ બનાવી શકો છો. તે તમારા ઘરને એક સુંદર લૂક આપે છે.
સામાન પેક કરવામાં
જો તમે એક જગ્યાએથી અન્ય જગ્યા પર જઇ રહ્યા છો તો તમારી પાસે કાચનો સામાન હશે, તેને સંભાળીને લઇ જવા તમે તેને પેપરમાં લપેટીને પછી પેક કરો. તે સેફ રહે છે.
કારમાં પાથરવા
ન્યૂઝપેપરને તમે ફૂટ મેટની જેમ કારમાં વાપરી શકો છો. ખાસ કરીને વરસાદમાં ફૂટમેટ રોજ સાફ કરી ન શકાય ત્યારે તે ઉપયોગી બને છે. તે કારને ચોખ્ખી રાખવામાં મદદ કરે છે.
કાચના વાસણો અને ફ્રેમ ચમકાવવા
તમે અનેક પ્રકારની મહેનત કરો છો તો પણ તમારા કાચના બારી કે બારણાંની ફ્રેમમાં ચમક આવતી નથી. પેપરને ભીનું કરીને તેનાથી આ ચીજોને સાફ કરો. તેનાથી તેની ચમક પાછી આવશે.
શાક રાખવા
તમે શાક ફ્રિઝમાં રાખો છો તો પણ 1-2 દિવસમાં સૂકાઇ જાય છે. તો એકવાર તેને પેપરમાં લપેટીને રાખો. આ રીતે રાખવામાં આવતું શાક લાંબા દિવસ સુધી ખરાબ થતું નથી.
કબાટ ઉપર પાથરવા માટે
જૂના પેપરને બાથરૂમ, કિચન અને સાથે જ રૂમના કબાટો પર પાથરવાના ઉપયોગમાં લેવાય છે. તેનાથી ચીજના ડાઘ લાકડા પર પડતા નથી. રૂપિયાની બચત સાથે રેક અને કેબિનેટને સાફ રાખી શકાય છે.
બુક પર કવર લગાવવા
જૂના સમયમાં લોકો બુક પર પેપરનું કવર લગાવતા. જો તમારી પાસે બ્રાઉન પેપર નથી તો તમે તેવા સમયે ન્યૂઝપેપરનું કવર લગાવી શકો છો.