ફાસ્ટેગનો ઉપયોગ ફક્ત ટોલ પ્લાઝા પર ડિજિટલ પેમેન્ટ માટે જ નહીં પણ પેટ્રોલ ડીઝલ ભરાવવાથી લઈને પાર્કિંગમાં પણ કરાશે.
જાણો શું છે કેન્દ્ર સરકારનો પ્લાન
ફાસ્ટેગને લઈને હવે મળશે આ સુવિધાઓ પણ
પેટ્રોલ ડીઝલ ભરાવવાથી લઈને પાર્કિંગમાં પણ કરાશે ઉપયોગ
ટોલ પ્લાઝા પર ટોલ ટેક્સને માટે ફાસ્ટેગ અનિવાર્ય બન્યું છે. કેન્દ્ર સરકાર Fastagને વધારે લોકપ્રિય કરવા માટે તેમાં નવી સુવિધાઓ જોડી રહી છે. હવે ફાસ્ટેગની મદદથી તમે પેટ્રોલ, ડીઝલ કે સીએનજી પણ ભરાવી શકશો અને સાથે પાર્કિંગમાં પણ તેનો ઉપયોગ કરી શકશો.
કેન્દ્ર સરકાર મલ્ટીપર્પઝ સર્વિસિસમાં કરશે તેનો ઉપયોગ
કેન્દ્ર સરકાર ફાસ્ટેગને મલ્ટીપર્પઝ સર્વિસમાં ઉપયોગ કરવાની દિશામાં કામ કરી રહી છે. દરેક ટેકનિકલ મુશ્કેલીઓને ઉકેલ્યા બાદ આ પગલું લેવામાં આવ્યું છે. એક માહિતિ અનુસાર સડક પરિવહન અને રાજમાર્ગ મંત્રાલયે કહ્યું કે ગયા વર્ષે કોરોના કાળમાં ટોલ ટેક્સમાં બે ગજની દૂરી બનાવી રાખવા અને કોન્ટેક્ટ લેસ Fastag સફળ રહ્યું છે. 15 ફેબ્રુઆરીએ દરેક ટોલ પ્લાઝાની દરેક લેનને માટે ફાસ્ટેગ અનિવાર્ય કરાયું છે.
હૈદરાબાદ, બેંગલુરુ એરપોર્ટમાં શરૂ કરાયો હતો પાયલટ પ્રોજેક્ટ
ફાસ્ટેગને પાર્કિંગ પેમેન્ટના રૂપમાં ઉપયોગમાં લેવા માટે હૈદરાબાદ અને બેંગલુરુમાં પાયલટ પ્રોજેક્ટ શરૂ કરાયો હતો. તેની સફળતા બાદ આવનારા ચરણમાં દિલ્હી એરપોર્ટ અને કનોટ પ્લેસ પર ફાસ્ટેગની મદદથી પાર્કિગની ફી પેમેન્ટ કરવાની સુવિધા શરૂ કરવામાં આવી. મળતી માહિતી અનુસાર તેના નવા ચરણમાં કોલકત્તા, મુંબઈ અને ચેન્નઈ સહિત અનેક દેશોમાં આગળ વધારાશે.
સૂત્રએ કહ્યું કે આગળ જઈને ફાસ્ટેગની મદદથી ગાડીમાં પેટ્રોલ, ડીઝલ અને સીએનજી ભરાવવાની સુવિધા પણ શરૂ કરાશે. તેમાં પણ સરકાર ફાસ્ટેગમાં રેડિયો ફ્રીકવન્સી આઈડેન્ટિફિકેશનની મદદ લેશે. હાલમાં ફક્ત તેનો ઉપયોગ ટોલ પેમેન્ટ માટે થઈ રહ્યો છે.
ટોલ પ્લાઝા પર ગાડીના વેટિંગ ટાઈમ થયા શૂન્ય
મળતી માહિતિ અનુસાર દેશભરમાં 770 ટોલ પ્લાઝા છે અને 80 ટકા ટોલ પર વાહનો રોકાયા વિના ફાસ્ટેગની મદદથી ટેક્સ ભરીને જઈ રહ્યા છે. તેનો અર્થ એ થયો કે ટોલ પ્લાઝા પર ગાડીઓનો વેટિંગ સમય શૂન્ય છે. તેઓએ કહ્યું કે અન્ય ટોલ ટેક્સ પર વાહનો 150 સેકંડમાં પેમેન્ટ કરે છે. આ સિવાય જે હાઈવે પર ટ્રાફિક વધારે રહે છે ત્યાં ફાસ્ટેગની લેન વધારવામાં આવશે જેથી ટોલ પેમેન્ટ કરવામાં એક મિનિટથી વધારેનો સમય ન લાગે.