લો આવી ગયું ગમતું કામ / ભજિયાં ખાવાથી સુંદર બનાય છે, ચણાનો લોટ સુંદરતામાં લગાવી દે છે ચાર ચાંદ, સ્ટડીએ ચોંકાવ્યાં

• ચણાનો લોટ સુંદરા વધારી શકે છે
• ચણાનો લોટનો લેપ ચહેરા પણ લગાડી શકાય
• તેનાથી ચહેરા પર ચમક આવે છે 

ગુજરાતના લોકો ખાવાના શોખીન છે. ગુજરાતના ફાફડા-જલેબી, ભજિયા દુનિયાભરમાં વખણાય છે. ભજિયા ભોજનનો સ્વાદ તો વધારે છે પરંતુ શું તમને ખબર છે તેમાં વપરાતા ચણાનો લોટ સુંદરતામાં પણ વધારો કરે છે. સામાન્ય રીતે ચણાનો લોટ અનેક ફરસાણમાં વપરાય છે. આ લોટ લોકોના જીભના સ્વાદ સાથે સુંદરતા પણ વધારે છે. પ્રાચીન સમયમાં બ્યુટિ પાર્લર નહોતા ત્યારે સુંદરતા વધારવા ઘરગથ્થુ વસ્તુઓના ઉપયોગ કરવામાં આવતો હતો.

સ્ટડીમાં થયો ખુલાસો
ચણાના લોટને લઈને કરાયેલા નવા સ્ટડીમાં આવો ખુલાસો થયો છે.  તૈલી ત્વચા માટે એક મોટી ચમચી ચણાનો લોટ લઈ તેમાં એક નાની ચમચી ગુલાબજળ અને ચપટી હળદરમાં અડધું લીંબુ નાખીને લેપ તૈયાર કરો. આ લેપ ચહેરા પર લગાવો. અને તેને 20 મિનિટ સુધી રહેવા દો. ચેહરા પર લગાવેલ લેપ સૂકાઈ જાય બાદ સાદા પાણીથી ધોઈ લો. યાદ રાખો કે તેના બાદ કોઈ ક્રિમ કે ઓઈલ ચેહરા પર લગાવવું નહિ.

બેસનના પેસ્ટના બીજા પણ અનેક લાભ 
ચહેરા પરની કરચલીઓ દૂર કરવા બેસનમાં કાચા દુધનું મિશ્રણ કરો. તમે આ મિશ્રણમાં મધનો પણ ઉપયોગ કરી શકો છો. આ મિશ્રણને ચેહરા પર લગાવો અને શક્ય બને તો સવારે નહાતા પહેલા શરીર પર લગાવવાથી ફાટતી ચામડીને લાભ થશે અને સુંવાળી બનશે. ચેહેરા પરના ખિલ દૂર કરવા પણ બેસનની પેસ્ટ વધુ સારું પરિણામ આપે છે. ખીલ દૂર કરવા બેસનમાં ચંદનનો પાવડર, હળદર અને દૂધ મેળવો. આ મિશ્રણને થોડું ઘટ્ટ રાખો. વધુ પડતું પાતળું ના કરો. આ પેસ્ટ ચહેરા પર 15 મિનિટ લગાવી રાખો. અઠવાડિયામાં ત્રણથી ચાર વખત ઉપાય જરૂર કરો. તમને જલદી અસર જોવા મળશે.

ત્વચાને આવી રીતે ચમકાવી શકાય 

કાળી પડી ગયેલ ત્વચામાંથી કાળાશ દૂર કરવા માટે પણ બેસનનો ઉપયોગ ચમત્કારિક પરિણામ આપે છે. આ માટે 2 ચમચી બેસનમાં 1 ચમતી સરસવનું તેલ અને થોડું દૂધ નાખીને પેસ્ટ બનાવી લો. અને આખા શરીર પર લગાવો. આમ કરવાથી ડાઘા દૂર થશે અને ત્વચા ગોરી અને મુલાયમ બનશે.સૂકી ત્વચાને મુલાયમ બનાવવા બેસનનું પેક વધુ ફાયદાકારક છે. સૂકી ત્વચાને મુલાયમ બનાવવા બેસનમાં દૂધની મલાઈ અને ચપટી હળદર નાખી પેસ્ટ બનાવો. આ પેસ્ટને ચહેરા પર 10 મિનિટ સુધી રહેવા દો. ધ્યાન રાખો કે જ્યારે તમે ચહેરા પરના આ પેકને દૂર કરો ત્યારે ફેશવોશના બદલે સાદા અને સ્વચ્છ પાણીનો ઉપયોગ કરો.