કોરોના સંકટ / કોરોનાને લઇને વધુ એક ચિંતાજનક સમાચાર, દેશનો પ્રથમ ચોંકાવનારો કિસ્સો બેંગાલુરૂથી આવ્યો સામે

• કોરોનાના વધતા કેસ વચ્ચે વધુ એક ચિંતાજનક સમાચાર 
• એક વખત કોરોના થયેલા દર્દીને ફરી થયો કોરોના
• દેશનો પ્રથમ કિસ્સો બેંગાલુરૂથી આવ્યો સામે 

દેશમાં યુવતીને ફરી કોરોનાનો ચેપ લાગવાના વધી રહેલા કેસ વધુ ચિંતાજનક સ્થિતિ બની છે. બેંગાલુરૂની યુવતીને ફરી વખત કોરોના પોઝિટિવ આવ્યો છે. અત્યાર સુધીમાં ડૉક્ટર તરફથી કહેવામાં આવતુ હતું કે એક વખત કોરોના થયા બાદ દર્દીનું શરીર એન્ટીબોડી બનાવી લે છે. ત્યારબાદ ફરી વખત કોરોના થવાની સંભાવના ઓછી રહે છે.

જોકે બેંગાલુરૂમાં સામે આવેલા આ નવા કેસની સ્થિતિએ આ દાવાને ખોટો ઠરાવ્યો છે. કોરોનાનો ફરી ચેપ લાગવાનો આ કેસની પ્રથમ વખત પૃષ્ટી થઈ છે. હોસ્પિટલ વહિવટીતંત્ર તરફથી કહેવામાં આવ્યુ છે કે આ મહિલા જુલાઈ મહિનામાં કોરોના પોઝિટિવ આવી હતી અને સારવાર બાદ મહિલાનો ટેસ્ટ કરવામાં આવતા તે નેગેટિવ આવી હતી. ત્યારબાદ મહિલાને રજા આપવામાં આવી હતી. 

ફોર્ટિસ હોસ્પિટલ તંત્રએ જણાવ્યું છે કે એક મહિના બાદ મહિલામાં ફરી વખત કોરોનાના લક્ષણ જોવા મળ્યા છે અને ટેસ્ટ બાદ તે કોરોના પોઝિટિવ જણાઈ છે. હોસ્પિટલે જણાવ્યું કે, 27 વર્ષીય એવી મહિલા બીજી વખત કોરોના સંક્રમિત થઇ છે. આ મહિલાને પહેલી વખત કોરોના થયો હતો અને તે સ્વસ્થ થઇ ગઇ હતી. જુલાઇમાં મહિલાને તાવ અને ઉધરસ જેવા ખુબ જ સામાન્ય લક્ષણ દેખાયા હતા, જ્યાર બાદ ટેસ્ટ કરાવવા પર તેને કોવિડ પોઝિટિવ હોવાની માહિતી મળી હતી.

સારવાર બાદ મહિલાએ કોરોનાને માત આપી હતી. પરંતુ હવે આ વખતે ફરી મહિલામાં સામાન્ય લક્ષણ જોવા મળતા તેનો રિપોર્ટ પોઝિટિવ આવ્યો છે. જણાવી દઇએ કે આ પ્રકારનો ભારતમાં આ પહેલો કેસ છે.