બેંગ્લુરુના એક પ્રતિષ્ઠિત કેબ સર્વિસના ડ્રાઈવરે એક મહિલા પ્રવાસી સાથે દુષ્કર્મ આચર્યું હોવાનો બનાવ બન્યો છે.
કર્ણાટકની રાજધાની બેંગ્લુરુની ઘટના
ડ્રાઈવર કેબમાં મહિલા સાથે કર્યો રેપ
રેપ પહેલા મહિલા સાથે સેલ્ફી લીધી
પોલીસે ડ્રાઈવરની ધરપકડ કરી
કેબ ડ્રાઈવર તરીકે નોકરી કરતા દેવરાજ ઊર્ફ દેવરાજુલુએ તેની કેબમાં મહિલા પ્રવાસી સાથે દુષ્કર્મ આચર્યું હતું. પીડિતાએ બુધવારે 3.20 વાગ્યે એચએસઆર લેઆઉટમાં પોતાના મિત્રના ઘેરથી કેબ બુક કરી હતી. કેબમાં બેસ્યા બાદ તે થોડીવારમાં ઘસઘસાટ ઊંઘી ગઈ હતી. કેબ ડ્રાઈવરે જ્યારે પાછળનો દરવાજો ખોલીને જોયું ત્યારે તેની દાનત બગડી.
પીડિતાને ઘસઘસાટ ઊંઘતી જોઈને આરોપી ડ્રાઈવર કેબને અવાવરુ સ્થળે લઈ ગયો હતો. દુષ્કર્મ કરતા પહેલા આરોપીએ મહિલા સાથે સેલ્ફી લીધી અને ત્યાર બાદ પાછળની સીટમાં તેની પર બળાત્કાર કર્યો.
પીડિતા જ્યારે ઊંઘમાંથી જાગી ત્યારે મોડું થઈ ગયું હતું
જ્યારે પીડિતા ઊંઘમાંથી ઉઠી ત્યારે તેને ખબર પડી પરંતુ ત્યાં સુધીમાં તો ઘણુ મોડું થઈ ગયું હતું અને તે આરોપીને ધક્કો મારીને ઘર તરફ પોબારા ગણ્યા હતા.
ચુંગલમાંથી છૂટીને સવારે ઘેર પહોંચી
પીડિતા સવારના લગભગ 4.45 વાગ્યે ઘેર પહોંચી હતી. આરોપી ઘટનાસ્થળેથી ફરાર થઈ ગયો હતો. ત્યાર બાદ તે ફરી વાર ઘટનાસ્થળે આવ્યો હતો કારણ કે તેનો ફોન ગાયબ હતો. પોલીસે કહ્યું કે પીડિતાએ ફોન કરીને ઘટનાની જાણકારી આપી.
રેપ કરતા પહેલા સેલ્ફી લીધી
ઘટના બાદ જ્યારે પીડિતા કેબની બહાર નીકળી ત્યારે તેણે તેની બેગ અને ડ્રાઈવરનો મોબાઈલ છીનવી લીધો હતો અને તરત પોલીસને સોંપી દીધો હતો. પોલીસે તાબડતોબ કાર્યવાહી કરીને આરોપી ડ્રાઈવરની ધરપકડ કરી લીધી હતી. આરોપીના મોબાઈલમાં સેલ્ફીનો ફોટો જોઈને પોલીસને પણ શરમ આવી હતી. આરોપીએ દુષ્કર્મ આચરતા પહેલા પીડિતા સાથે સેલ્ફી પણ લીધી હતી.