તમે પાણીની અંદર ચાલતી રેસ્ટોરાં કે જુદી-જુદી થીમ પર બનેલી રેસ્ટોરાં જોઇ હશે. પરંતુ ક્યારે હવામાં તરતી રેસ્ટોરાં જોઇ છે? હવે તમારે આવી રેસ્ટોરાંમાં જવા ઈન્ડિયાની બહાર જવાની જરૂર નથી. બેંગ્લોરમાં જ આંતરરાષ્ટ્રીય સ્પોર્ટ્સ એડવેન્ચર કંપની જંપકિંગ ઈન્ટરનેશનલ દ્વારા તરતી રેસ્ટોરા બનાવવામાં આવી છે જેનુ નામ છે ફ્લાય ડાઇનિંગ. અહીં તમે સારુ ફૂડ એન્જોય કરવા સાથે સાથે શહેરથી 160 ફીટ ઉપરનો વ્યૂ પણ એન્જોય કરી શકશો. રેસ્ટોરાંની બીજી સાઈડ સુંદર નાગવારા લેક આવેલુ છે અને બીજી બાજુ માન્યતા ટેક પાર્ક આવેલો છે. બેંગ્લોર ફરવા જાય તો આ રેસ્ટોરાં ટ્રાય કરવા જેવી છે.
જંપકિંગ ઇન્ટરનેશનલના CEO અનુસાર ''જર્મનના નિયમ DIN 4112 મુજબ ક્રેન અને સીટ્સ ડિઝાઈન કરવામાં આવી છે. તેની રચના લોકોની સેફ્ટીને ધ્યાનમાં રાખીને કરવામાં આવી છે. અહીં ગેસ્ટ્સ માટે સેફ્ટી બેલ્ટ્સ પહેરવા જરૂરી છે. આ ઉપરાંત સર્વ કરનારા સ્ટાફની સેફ્ટીની પણ પૂરતી વ્યવસ્થા છે.''
આ એડવેન્ચરસ રાઇડ 4 વાગે શરૂ થાય છે અને સાંજે 9:30એ પૂર્ણ થાય છે. અહીં પહેલો રાઉન્ડ મોકટેલ્સનો હોય છે. મહેમાનોને ટિક્કા નાચોસ અને ડિપ તથા ફિંગર ફ્રાઇઝ સાથે જુદા-જુદા મોકટેલ આપવામાં આવશે. . 5 કોર્સના ડિનર 8.30એ શરૂ થાય છે. તેમાં ચિકન અને વેજ ડિશિશ પીરસવામાં આવે છે. અહીં થોડા-થોડા દિવસે મેનૂ બદલાતું રહે છે.
આ રેસ્ટોરામાં 22 મહેમાનો બેસી શકે છે. તેમાં વચ્ચોવચ ત્રણ સ્ટાફ (ચીફ વેઈટર અને મનોરંજન કરનાર વ્યક્તિ) સાથે એક ટેબલ ગોઠવવામાં આવ્યુ છે આ સિવાય સ્ટની ઉંમર ઓછામાં ઓછી 13 વર્ષ હોવી જોઈએ હાઈટ 145 સે.મી હોવી જોઇએ અને વધુમાં વધુ 150 કિલો હોવું જોઇએ.
CEOએ આગળ જણાવ્યુ કે ''અઠવાડિયાના ચાલુ દિવસમાં મોકટેલ અને નાસ્તા માટે ચાર્જ રૂ. 3999 છે અને ડિનરના રૂ. 6999 છે. વીકેન્ડમાં 1000 રૂપિયા એકસ્ટ્રા ચૂકવવા પડે છે. અહાં જમવા જવું હોય તો 1 દિવસ એડવાન્સ બૂક કરાવવુ પડે છે.''