બેંગલુરૂમાં એક રેસ્ટોરંટે જમવા આવેલા એક શખ્સના બિલમાં ખાલી 40 પૈસા વધારે જોડી દેતા મામલો કોર્ટ સુધી પહોંચ્યો હતો. જો કે, કોર્ટે જે ચુકાદો આપ્યો તે જાણવા જેવો છે.
બેંગલુરૂમાંથી એક અનોખો મામલો સામે આવ્યો
બિલમાં 40 પૈસા વધારે જોડતા મામલો બગડ્યો
કોર્ટમાં કેસ કર્યો પણ દાવ ઉલ્ટો પડ્યો
બેંગલુરૂમાં એક રેસ્ટોરંટે બિલમાં 40 પૈસા વધારે જોડી દીધા. જો કે, જે શખ્સ સાથે આવું થયું તેને આ વાત હજમ થઈ નહીં, અને કોર્ટમાં કેસ ઠોકી દીધો. અહીંયા જ તેનો દાવ થઈ ગયો. ગ્રાહક અદાલતે નિર્ણય સંભળાવતા રેસ્ટોરંટના મેનેજરને જ 4 હજાર રૂપિયાનું વળતર આપવાનો આદેશ આપી દીધો હતો.
બિલ જોઈને પિત્તો ગયો
મામલો મે 2021નો છે. મૂર્તિ નામના એક વદ્ધે શહગેરની હોટલ એમ્પાયરમાં ખાવાનું ઓર્ડર કર્યું. જ્યારે તે તેને લેવા પહોંચ્યો તો, સ્ટાફે તેને 265 રૂપિયાનું બિલ પકડાવી દીધું. જો કે, તેનું કમ્પલીટ બિલ 264.60 રૂપિયા હતું. મૂર્તિએ તેના વિશે સ્ટાફને પૂછ્યું, જ્યારે તેને યોગ્ય જવાબ ન મળ્યો તો, તે બેંગલુરૂ કંઝ્યૂમર કોર્ટ પહોંચ્યો અને રેસ્ટોરંટ પર લોકોને લૂંટવાનો આરોપ લગાવ્યો હતો.
વૃદ્ધે જાતે કેસ લડ્યો
મૂર્તિએ એક રૂપિયાનું વળતર માગ્યું અને કહ્યું કે, આ ઘટનાથી તેમને આઘાત લાગ્યો છે અને હેરાન થઈ ગયા છે. 26 જૂન 2021ના રોજ મૂર્તિએ ખુદ કોર્ટમાં પોતાનો કેસ લડવાની દલીલ કરી. જ્યારે વકીલ અંશુમાન એમ અને આદિત્ય એમ્બ્રોસે રેસ્ટોરેંટ તરફથી દલીલ રાખી હતી. બંનેએ તર્ક આપ્યો કે, ફરિયાદ બહું નાની અને હેરાન કરનારી છે. આવું કરવા માટે ગુડ્સ એન્ડ સર્વિસેસ ટેક્સ એક્ટ 2017ની કલમ 170 અંતર્ગત મંજૂરી મળેલી છે.
50 પૈસાથી વધારે થયા તો, એક રૂપિયો થશે
8 મહિનાથી ચાલી રહેલા કેસમાં જજે જણાવ્યું કે, ભારત સરકારના નિયમ અનુસાર 50 પૈસાથી ઓછાને ઈગ્નોર કરવામાં આવે છે અને વધારે થવા પર એક રૂપિયો લઈ શકાય છે. કોર્ટે મૂર્તિને સમય બરબાદ કરવા માટે ફટકાર લગાવી. 4 માર્ચે 2022ના રોજ કોર્ટે 2000 રૂપિયા રેસ્ટોરંટને અને 2000 રૂપિયા કોર્ટને દંડ તરીકે ચુકવવાનો આદેશ આપ્યો, જેને મૂર્તિએ 30 દિવસમાં ભરવો પડશે.