બેંગ્લુરુમાં 67 વર્ષીય ઉદ્યોગપતિની રસ્તા કિનારે મળેલી લાશ મામલે પોલીસે મોટો ખુલાસો કર્યો છે.
બેંગ્લુરુમાં રસ્તા કિનારેથી મળેલી લાશના મામલે થયો સનસનીખેજ ખુલાસો
67 વર્ષીય ઉદ્યોગપતિનું સેક્સ દરમિયાન થયું હતું મોત
ગર્લફ્રેન્ડ સુટકેસમાં પૂરીને લાશ રોડ પર નાખી આવી હતી
ગયા અઠવાડિયે બેંગલુરુના જેપી નગર વિસ્તારમાં એક વ્યક્તિની લાશ રસ્તાની બાજુમાંથી મળી આવી હતી. 67 વર્ષના વૃદ્ધના મોત અંગે હવે પોલીસે સનસનીખેજ ખુલાસો કર્યો છે. પોલીસે જણાવ્યું કે, 17 નવેમ્બરે જે વ્યક્તિની લાશ મળી હતી, તેના મોતનું રહસ્ય સામે આવ્યું છે.
સેક્સ વખતે ઉદ્યોગપતિને આવ્યો વાઈનો હુમલો, થયું મોત
પોલીસે જણાવ્યું હતું કે 67 વર્ષીય ઉદ્યોગપતિનું સેક્સ દરમિયાન વાઈના હુમલાથી મોત નીપજ્યું હતું. આ પછી તેની પ્રેમિકા અને તેના પતિએ ઉદ્યોગપતિની લાશનો નિકાલ કરી પ્લાસ્ટિકની થેલીમાં ફેંકીને રસ્તા પર ફેંકી દીધો હતો. પોલીસે વેપારીના ફોન કોલની તપાસના આધારે આ ખુલાસો કર્યો છે.
ગર્લફ્રેન્ડ સાથે સેક્સ માણતી વખતે ઉદ્યોગપતિનું થયું મોત
પોલીસે જણાવ્યું કે, ફોનની ડિટેઇલ અને લોકેશન ચેક કરતાં જાણવા મળ્યું કે બિઝનેસમેન તેની ગર્લફ્રેન્ડના ઘરે હતો. પોલીસ અધિકારીએ ગુરુવારે જણાવ્યું હતું કે, હાલ આ કેસની તપાસ ચાલી રહી છે. આથી વેપારી અને તેની પ્રેમિકાની ઓળખ છતી થઇ રહી નથી. 67 વર્ષીય ઉદ્યોગપતિ 35 વર્ષીય હાઉસ વાઈફ સાથે સંબંધમાં હતા. 16 નવેમ્બરે સાંજે 5 વાગ્યે તે તેના ઘરે પહોંચ્યો હતો, અહીં બન્ને શારીરિક સંબંધ બાંધ્યો હતો જે દરમિયાન વાઈનો હુમલો આવતાં બિઝનેસમેનનું મોત થયું હતું.
આ વાતથી તેની ગર્લફ્રેન્ડ નર્વસ થઈ ગઈ અને તેને લાગ્યું કે જો કોઈને પણ આ મોતની ખબર પડશે તો સમાજમાં નામ ખરાબ થઈ જશે.
ઉદ્યોગપતિની લાશ બેગમાં ભરીને રસ્તા કિનારે ફેંકી દીધી
પોલીસ અધિકારીએ જણાવ્યું હતું કે, ડરના માર્યા મહિલાએ તેના પતિ અને ભાઈને ફોન કર્યો હતો. તેઓ પહોંચ્યા અને ઉદ્યોગપતિની લાશને પ્લાસ્ટિકની થેલીમાં ભરીને જેપી નગરના જ એક નિર્જન વિસ્તારમાં ફેંકી દીધી. "જ્યારે અમે ઉદ્યોગપતિના પરિવારના સભ્યોને આ બાબતે પૂછ્યું, ત્યારે તેઓએ કહ્યું કે તે તેની પુત્રવધૂને મળીશ તેમ કહીને ઘરેથી નીકળ્યો હતો. પરંતુ ઘરે પરત ન ફરતાં ગુમ થયાની ફરિયાદ નોંધાઈ હતી. આ વ્યક્તિ અનેક બીમારીઓથી પીડાતો હતો. પોલીસે જણાવ્યું હતું કે, મહિલાનો દાવો સાચો છે કે નહીં તે સાબિત કરવા માટે આ કેસમાં પોસ્ટમોર્ટમ રિપોર્ટની રાહ જોવાઇ રહી છે.