બેંગલૂરું / ભારે કરી! ગાડીની કિંમત 11 લાખ અને રિપેરિંગનું બિલ આવ્યું 22 લાખ, જાણો ગ્રાહકે શું કર્યું

• કારની પ્રાઇઝ કરતાં રિપેરિંગ બિલ મોટું
• ગ્રાહક કંપની પર ભડક્યો
• 11 લાખની કારનું રિપેરિંગ બિલ 22 લાખ 

કર્ણાટકનાં બેંગલૂરુંમાં એક આશ્ચર્યજનક બનાવ સામે આવ્યો છે. જ્યાં એક વ્યક્તિએ પોતાની કાર રિપેર કરવા સર્વિસ સેન્ટર પર આપેલ હતી. સર્વિસ સેન્ટર પર જે બિલ બન્યું તે રકમ સાંભળીને ગ્રાહક અને કંપની બંને ચકિત થયા. કારની રિપેરિંગ કોસ્ટ કારની અસલ કિંમતથી પણ ઊંચે ચડી. 11 લાખની કારનો રિપેરિંગ બિલ 22 લાખનો બનતા ગ્રાહક ભડક્યો. 

11 લાખની કારનો રિપેરિંગ બિલ 22 લાખ
આ ઘટના બેંગલૂરુંની છે. કારના માલિક એટલે કે ગ્રાહકનું નામ અનિરુદ્ધ ગણેશ છે. તેણે પોતાની 11  લાખની કિંમતવાળી કારને રિપેરિંગ માટે સર્વિસ સેન્ટર પર આપી હતી. રિપેરિંગ સેન્ટરે તેને 22 લાખનો બિલ બનાવી આપ્યો. અનિરુદ્ધ ગણેશ એમેઝોનમાં પ્રોજ્ક્ટ મેનેજર તરીકે કામ કરે છે.  તેની કારમાં થોડી ખરાબી આવતાં તેણે સર્વિસ સેન્ટર મોકલી હતી.

મૂશળધાર વરસાદ બાદ કાર બગડી

સૂત્રો અનુસાર આ બધું ત્યારે થયું જ્યારે હાલમાં જ બેંગલૂરુંમાં મૂશળધાર વરસાદ પડ્યો હતો. તેના પછીથી જ અનિરુદ્ધ ગણેશની કારને ઘણું નુક્સાન પહોંચતા તેણે પોતાની કારને રિપેરિંગ સેન્ટરમાં  મોકલી અને સેન્ટરની તરફથી અનિરુદ્ધને મોટું બિલ પકડાવી દેવાયું. 

વીમા કંપની સાથે સંપર્ક સાધ્યો
કારની કિંમત લગભગ 11 લાખ રૂપિયા હતી, પરંતુ રિપેરિંગ સેન્ટરમાંથી 22 લાખ રૂપિયાનું બિલ મોકલવામાં આવ્યું હતું. જ્યારે ગ્રાહકે વિરોધ કર્યો, ત્યારે સર્વિસ સેન્ટરે તેની પાસેથી ડેમેજ કારના દસ્તાવેજો તૈયાર કરવાના બદલામાં 44,840 રૂપિયાની માંગણી કરી. આ જોઈને અનિરુધ ગણેશ ચોંકી ગયો. આ પછી તેણે વીમા કંપનીનો પણ સંપર્ક કર્યો.

તેણે કંપની મેનેજમેન્ટને ઈ-મેલ મોકલ્યો અને તેની સમસ્યાની જાણ કરી. આ પછી જ્યારે કંપનીને ખબર પડી કે સ્થિતિ હાથમાંથી જઇ રહી છે, ત્યારે આખરે માત્ર પાંચ હજાર રૂપિયામાં ઘટના શાંત કરી. અત્યારે જ્યારે તેણે સોશિયલ મીડિયા પર પોતાની સ્ટોરી શેર કરી છે ત્યારે લોકો પણ કંપની પર ગુસ્સે છે.