શું તમે ક્યારેય રેસ્ટોરન્ટમાં ખાવાનું ખાધુ છે. તો ખાવાનુ ખાધા બાદ તમને ત્યાંથી બિલ મળી જશે. બિલ પર ભોજનની પ્રાઈસની સાથે અમુક ટેક્સનો પણ ઉલ્લેખ કરવામાં આવે છે.
એક વ્યક્તિએ 40 પૈસા લેવા માટે કોર્ટમાં કરી અરજી
આ વ્યક્તિએ રેસ્ટોરન્ટની સામે કોર્ટમાં કેસ કર્યો
કોર્ટે આ વ્યક્તિને ફટકાર લગાવી અને દંડ પણ ફટકાર્યો
40 પૈસાના ચક્કરમાં શખ્સ પહોંચ્યો કોર્ટ
ઘણી વખત કેટલીક રેસ્ટોરન્ટના માલિકો ગ્રાહકો પાસેથી વધુ પૈસા વસૂલે છે. પરંતુ કર્ણાટકની રાજધાની બેંગ્લોરમાંથી એક ગજબ મામલો સામે આવ્યો છે. જ્યાં એક વ્યક્તિએ 40 રૂપિયા માટે રેસ્ટોરન્ટની સામે કોર્ટમાં કેસ કર્યો. બાદમાં કોર્ટે અરજી કરનાર વ્યક્તિ પર સમય બરબાદ કરવાને પગલે ફટકાર લગાવતા દંડ આપ્યો. મીડિયા રિપોર્ટસ મુજબ, મે 2021માં મૂર્તિ નામના વ્યક્તિએ બેંગ્લોરમાં હોટલ એમ્પાયરમાંથી ખાવાનો ઓર્ડર કર્યો. મૂર્તિએ 265 રૂપિયાનુ ભોજન લીધુ. પરંતુ બિલ પર 264.60 પૈસા લખેલુ હતુ. જેને કારણે મૂર્તિ ભડક્યા અને તેણે રેસ્ટોરન્ટમાં રહેલા કર્મચારી પાસેથી 40 પૈસા પાછા આપવા અથવા પછી 264 રૂપિયા લેવાની વાત કહી. પરંતુ કર્મચારી માનવા તૈયાર ના થયો. આખરે મૂર્તિએ આ મામલે કોર્ટમાં ધા નાખી.
1000 રૂપિયાનું માંગ્યુ વળતર
મૂર્તિએ કન્ઝ્યુમર કોર્ટમાં રેસ્ટોરન્ટની સામે ફરિયાદ દાખલ કરી દીધી અને 1 રૂપિયાનું વળતર માંગ્યુ. મૂર્તિનુ કહેવુ હતુ કે રેસ્ટોરન્ટના સંચાલકોએ તેમની પાસેથી 40 પૈસા વધારે લીધા છે. તેથી તેને 1000 રૂપિયાનુ વળતર મળવુ જોઈએ. પરંતુ મૂર્તિ કદાચ ભૂલી ગયા હતા કે જ્યારથી પૈસાના સિક્કા બંધ થયા છે ત્યારથી રાઉન્ડ ફિગરમાં આખો હિસાબ ચાલી રહ્યો છે. જો તમને 50 પૈસા ઓછુ બિલ આવે છે તો 1 રૂપિયા ઓછુ અને 50 પૈસાથી વધુ આવે છે તો 1 રૂપિયા વધુ આપવો પડે છે. આ મામલે કોર્ટમાં 8 મહિના સુધી સુનાવણી ચાલી. ત્યારબાદ કોર્ટે મૂર્તિને કોર્ટનો સમય બરબાદ કરવા માટે ફટકાર લગાવી અને દંડ પણ ફટકાર્યો. કોર્ટે મૂર્તિને 2000 રેસ્ટોરન્ટને અને 2000 કોર્ટને દંડ પેડે રૂપિયા ચૂકવવાનો આદેશ આપ્યો છે. 4000 નો આ દંડ ભરવા માટે મૂર્તિને 30 દિવસનું અલ્ટીમેટમ આપવામાં આવ્યું.