OMG! / શારીરિક સંબંધ બનાવતા સમયે જ 67 વર્ષના વ્યક્તિનું મોત, મૃતદેહ સાથે 35 વર્ષની ગર્લફ્રેન્ડે જે કર્યું તે જાણી ચોંકી જશો

• બેંગલુરુના જેપી નગરમાં મળેલ લાશના મોતનો ખુલાસો
• પોતાની ગર્લફ્રેન્ડ સાથે જાતીય સુખ માણતાં સમયે થયું મોત
• હાલ તપાસ ચાલુ અને પોસ્ટમોર્ટમ રીપોર્ટ તૈયાર થઇ રહ્યો છે

ગયા અઠવાડિયે, બેંગલુરુના જેપી નગર વિસ્તારમાં રસ્તાની બાજુમાં એક વ્યક્તિની લાશ મળી આવી હતી. હવે પોલીસે 67 વર્ષીય વ્યક્તિના મોતને લઈને સનસનીખેજ ખુલાસો કર્યો છે. પોલીસનું કહેવું છે કે 17 નવેમ્બરે જે વ્યક્તિની લાશ મળી હતી તેના મૃત્યુનું રહસ્ય સામે આવ્યું છે. પોલીસે જણાવ્યું કે 67 વર્ષીય વેપારીનું મોત સેક્સ દરમિયાન એપિલેપ્ટિક એટેક એટલે કે બ્રેઈન સ્ટ્રોકને કારણે થયું હતું. આ પછી તેની પ્રેમિકા અને તેના પતિએ વેપારીની લાશને પ્લાસ્ટિકની થેલીમાં નાખીને રસ્તા પર ફેંકી દીધી હતી. પોલીસે બિઝનેસમેનના ફોન કોલની તપાસના આધારે આ ખુલાસો કર્યો છે. 

વેપારી તેના ગર્લફ્રેન્ડના ઘરે ગયો હતો
પોલીસે જણાવ્યું કે ફોનની વિગતો અને લોકેશન તપાસવા પર જાણવા મળ્યું કે વેપારી તેની ગર્લફ્રેન્ડના ઘરે હતો. પોલીસ અધિકારીએ ગુરુવારે જણાવ્યું હતું કે હાલમાં કેસની તપાસ ચાલી રહી છે. એટલા માટે બિઝનેસમેન અને તેની ગર્લફ્રેન્ડની ઓળખ જાહેર કરવામાં આવી રહી નથી. જેપી નગર પોલીસ સ્ટેશનના અધિકારીએ જણાવ્યું કે, '67 વર્ષીય બિઝનેસમેનના 35 વર્ષની ગૃહિણી સાથે સંબંધ હતા. 16 નવેમ્બરે સાંજે 5 વાગ્યે તે તેના ઘરે પહોંચ્યો હતો. અહીંથી જ બંનેએ સંબંધો બનાવવાનું શરૂ કર્યું અને આ દરમિયાન વેપારીનું મૃત્યુ થયું. તેનાથી તેની ગર્લફ્રેન્ડ ગભરાઈ ગઈ અને તેણે વિચાર્યું કે જો કોઈને આ મૃત્યુની ખબર પડશે તો સમાજમાં તેનું નામ ખરાબ થશે. 

પરિવારે ગુમ થયાની ફરિયાદ નોંધાવી હતી
પોલીસ અધિકારીએ જણાવ્યું કે ડરના કારણે મહિલાએ તેના પતિ અને ભાઈને ફોન કર્યો. આ લોકોએ પહોંચીને વેપારીની લાશને પ્લાસ્ટિકની થેલીમાં ભરીને જેપી નગરમાં જ એક નિર્જન વિસ્તારમાં ફેંકી દીધી હતી. પોલીસ અધિકારીએ કહ્યું કે જ્યારે અમે આ મામલે બિઝનેસમેનના પરિવારજનોને પૂછ્યું તો તેઓએ જણાવ્યું કે તે તેની પુત્રવધૂને મળવાની વાત કરીને ઘર છોડી ગયો હતો. પરંતુ તે ઘરે પરત ન ફરતાં ગુમ થયાની ફરિયાદ નોંધાવી હતી. તે માણસ અનેક રોગોથી પીડિત હતો. પોલીસનું કહેવું છે કે હાલ આ કેસમાં પોસ્ટ મોર્ટમ રિપોર્ટની રાહ જોવાઈ રહી છે, જે સાબિત કરશે કે મહિલાનો દાવો સાચો છે કે નહીં.