21 વર્ષની બંગાળી અભિનેત્રી બિદિશા ડે મજૂમદારે આપઘાત કર્યો છે. તે ડિપ્રેશનમાં હતી એવો દાવો પણ કરવામાં આવી રહ્યો છે. જાણો આ વિષે વિગતવાર
બંગાળી એક્ટ્રેસ બિદિશાએ કર્યો આપઘાત
21 વર્ષની હતી ઉંમર
ડિપ્રેશનનો શિકાર હતી અભિનેત્રી
બંગાળી એક્ટ્રેસ બિદિશાએ કર્યો આપઘાત
ગત દિવસો 21 વર્ષની કન્નડ ટીવી અભિનેત્રી ચેતના રાજનાં આકસ્મિક નિધને સૌને હેરાન કરી મુક્યા હતા. ચેતનાનાં મૃત્યુને થોડો જ સમય થયો હશે કે સિનેમા ઈંડસ્ટ્રીથી વધારે એક હૃદય થંભાવી દે, એવા સમાચાર સામે આવ્યા છે. જાણકારી અનુસાર, બંગાળી એન્ટરટેનમેન્ટ ઈંડસ્ટ્રીની 21 વર્ષીય મોડલ અને એક્ટ્રેસ બિદિશા ડે મજૂમદારે આત્મહત્યા કરી છે. આ સમાચારે સૌને ચોંકાવી મુક્યા છે અને આખી બંગાળી ઈંડસ્ટ્રી શોકમાં છે.
ફ્લેટમાં મળ્યું અભિનેત્રીનું બોડી મીડિયા રિપોર્ટ્સ અનુસાર, 21 વર્ષની બંગાળી મોડલ અને અભિનેત્રી બિદિશાએ પોતાના ફ્લેટમાં ફાંસી પર લટકીને જીવ ગુમાવ્યો છે. બુધવારે તેનું બોડી તેના ફ્લેટ પર ફંદા સાથે લટકાયેલ મળ્યું. પોલીસ દરવાજો તોડીને ફ્લેટમાં પહોંચી કેમકે દરવાજો અંદરથી બંધ હતો. ઉભરતી મોડલ અને એક્ટ્રેસનું બોડી મળ્યા બાદ તેને પોસ્ટમોર્ટમ માટે મોકલવામાં આવ્યું છે.
પોલીસને મળી સુસાઈડ નોટ
પોલીસની તપાસમાં જાણ થઇ કે બિદિશાએ ચાર મહિના પહેલા જ નગર બજારમાં રહેવાનું શરુ કર્યું હતું. રિપોર્ટ્સમાં એ પણ સામે આવ્યું છે કે પોલીસને ફ્લેટ પરથી સુસાઈડ નોટ પણ મળી છે. સુસાઈડ નોટમાં બિદિશાએ પોતાને કેન્સરથી પીડિત જણાવી છે.
ડિપ્રેશનનો શિકાર હતી અભિનેત્રી
અભિનેત્રીનાં નજીકના મિત્રોનું કહેવું છે કે તે પોતાના બોયફ્રેન્ડને કારણે ગયા ઘણા સમયથી ડિપ્રેશનમાં હતી. બિદિશાનો બોયફ્રેન્ડ અનુભવ તેને દગો આપી રહ્યો હતો, બિદિશાને ડેટ કરતા કરતા તે ત્રણ બીજી યુવતીઓ સાથે રિલેશનશિપમાં હતો. તે અનુભવને કોઈ બીજા સાથે જોવા માટે તૈયાર ન હતી. અભિનેત્રીનાં મિત્રોનું એમ પણ કહેવું છે કે સુસાઈડ નોટમાં કેન્સરથી પીડિત હોવાની બાબત ખોટી છે.