મહામારી / ભારતમાં અહીં લાગુ પડ્યું આંશિક લોકડાઉન, કાલથી સ્કૂલ-કોલેજ બંધ, ઓમિક્રોનના ખૌફ વચ્ચે લેવાયો મોટો નિર્ણય

• બંગાળમાં  આંશિક લોકડાઉન
• આવતીકાલથી સ્કૂલ-કોલેજ બંધ
• પ્રાઈવેટ અને સરકારી ઓફિસોમાં ફક્ત 50 ટકા સ્ટાફની મંજૂરી

ભારતમાં હવે આંશિક લોકડાઉનનો યુગ ફરી વાર આવ્યો છે. ઓમિક્રોનના ખૌફની વચ્ચે બંગાળ સરકારે મિનિ લોકડાઉન જેવા પ્રતિબંધો લાગુ પાડ્યા છે. કોરોનાના નવા વેરિયન્ટ ઓમિક્રોનની લઈને વિશ્વ આરોગ્ય સંગઠનની ચેતવણીને ધ્યાનમાં રાખીને તથા બંગાળમાં કોરોનાના વધી રહેલા કેસોને પગલે બંગાળ સરકારે રવિવારે કોરોના સંબંધિત પ્રતિબંધોને વધારી લીધા છે. 

West Bengal imposes fresh curbs amid the Covid surge

"West Bengal to operate flights from Delhi and Mumbai only twice a week which will be on Monday and Tuesday w.e.f Jan 5," West Bengal Chief Secretary said pic.twitter.com/sqYulEgQTj

— ANI (@ANI) January 2, 2022

આવતીકાલથી સ્કૂલ અને કોલેજો તથા લાઈબ્રેરી બંધ
મુખ્ય સચિવ એચ.કે.દ્વિવેદીએ જણાવ્યું હતું કે  બંગાળ સરકારે આવતીકાલથી રાજ્યમાં સ્કૂલ, કોલેજો અને લાઈબ્રેરી બંધ કરવાની જાહેરાત કરી છે તથા પ્રાઈવેટ અને સરકારી ઓફિસોમાં ફક્ત 50 ટકા સ્ફાટની હાજરીને મંજૂરી આપી છે. રાજ્ય સરકારની જાહેરાત અનુસાર રાતના 10થી સવારના 5 સુધી નાઈટ કર્ફ્યુ પણ લાગુ રહેશે. આ દરમિયાન ફક્ત જરુરી અને ઈમરજન્સી સેવાઓને મંજૂરી આપવામાં આવશે.

રાજ્ય સરકારે બહાર પાડ્યાં નવા આદેશ 

રાજ્ય સરકાર દ્વારા જારી આદેશમાં કહેવાયું કે આવતીકાલથી સ્કૂલ, કોલેજ, યુનિવર્સિટીમાં બંધ રહેશે સાથે સ્વીમિંગ પુલ, જિમ, સ્પા, બ્યૂટી પાર્લર અને વેલનેસ સેન્ટરો પણ બંધ રાખવાની જાહેરાત કરાઈ છે. જાહેરનામા મુજબ, 'માસ્ક પહેરવા, શારીરિક અંતર જાળવવા અને સ્વચ્છતા જાળવવા માટેના નિયમોનું હંમેશા પાલન કરવું ફરજિયાત છે.' જોકે સરકારે અડધા કર્મચારીઓ સાથે ખાનગી અને સરકારી કચેરીઓ ખોલવાની મંજૂરી આપી છે. તેમણે કહ્યું કે કોલકાતામાં ૧૧ માઇક્રો કેન્ટોનમેન્ટ ઝોન હશે. અન્ય જિલ્લાઓમાં પણ આવો જ ઝોન બનાવવામાં આવશે.

કોરોના પ્રોટોકોલનું ઉલ્લંઘન કરવા બદલ કાર્યવાહી કરવામાં આવશે

જાહેરનામામાં કહેવામાં આવ્યું છે કે જિલ્લા વહીવટીતંત્ર, પોલીસ કમિશનરઅને સ્થાનિક અધિકારીઓ માસ્ક પહેરવા અને સામાજિક અંતર જાળવવાની રાજ્યની સૂચનાઓનું કડક પાલન સુનિશ્ચિત કરશે. 'પ્રતિબંધોના પગલાંના કોઈપણ ઉલ્લંઘન પર આપત્તિ વ્યવસ્થાપન અધિનિયમ, 2005 અને ભારતીય દંડ સંહિતાની સંબંધિત કલમો હેઠળ કાર્યવાહી કરી શકાય છે.