VIDEO / બંગાળ: શિક્ષકે વિદ્યાર્થીને ઠપકો આપ્યો તો વાલીઓએ શાળામાં હોબાળો મચાવ્યો, મહિલા શિક્ષકના કપડા ફાડી નાખ્યા

• પશ્ચિમ બંગાળની એક શાળામાંથી વીડિયો વાયરલ થયો
• શિક્ષકે વિદ્યાર્થીને ઠપકો આપ્યો તો વાલીઓએ શાળામાં હોબાળો મચાવ્યો
• મહિલા શિક્ષિકા સાથે મારપીટ કરી, અભદ્ર ભાષામાં ગાળો પણ આપી

પશ્ચિમ બંગાળના દક્ષિણ દિનાજપુર જિલ્લામાં વિદ્યાર્થીને ઠપકો આપવા પર તેમના વાલીઓએ શાળાની અંદર ઘૂસીને મહિલા ટીચર સાથે મારામારી કરી હતી. એટલુ જ નહીં આ દરમિયાન મહિલા શિક્ષકના કપડા પણ ફાડી નાખ્યા હતા. શુક્રવારે બપોરે વિદ્યાર્થીઓના વાલીઓ શાળામાં આવ્યા અને કોમનરૂમમાં ઘૂસી આવ્યા હતા. તથા મહિલા શિક્ષક સાથે ગેરવર્તન કરવા લાગ્યા હતા. આ દરમિયાન તેમણે શિક્ષિકાને માર્યા હતા અને તેમના કપડા પણ ફાડી નાખ્યા હતા. આ મામલો શુક્રવારે બપોરનો હોવાનું કહેવાય છે. હિલી પોલીસ સ્ટેશન અંતર્ગત આવતા ત્રિમોહિની પ્રતાપ ચંદ્ર હાઈસ્કૂલના ટીચરે ગુરૂવારે ક્લાસમાં ન આવવાને લઈને શિક્ષિકાએ વિદ્યાર્થીને ઠપકો આપ્યો હતો અને એક હળવી ટપલી પણ મારી હતી. 

A teacher upon scolding a Muslim student was brutally assaulted by the parents of that child & others. A teacher was stripped naked & beaten up badly. Inspite of specific complaint Hili Police Station, South Dinajpur police didn't arrest anyone. @WBPolice please take steps. pic.twitter.com/Po8Yh3UhZL

— Tarunjyoti Tewari (@tjt4002) July 24, 2022

શાળામાં ઘૂસી અભદ્ર વર્તન કરવા લાગ્યા વાલીઓ

વિદ્યાર્થીએ ઘરે જઈને વાલીને ફરિયાદ કરી, જેમણે બીજા દિવસ ભીડ લઈને શાળામાં હુમલો કરી દીધો હતો. શુક્રવારે બપોરે ભીડ સ્કૂલમાં ઘૂસી આવી અને શિક્ષિકાને કોમન રૂમમાં જઈને માર્યા હતા. આ દરમિયાન ભીડ મહિલા ટીચરને ભદ્દી ગાળો પણ આપવા લાગ્યા હતા. ઘટનાની જાણકારી મળતા પર પોલીસ ટીમ પર ઘટનાસ્થળે પહોંચી ગઈ હતી. સ્કૂલ પ્રશાસન તરફથી ફરિયાદ નોંધ્યા બાદ રવિવારે પોલીસે આ મહિલા ટીચર સાથે ગેરવર્તણૂંક કરવાના આરોપમાં 4 લોકોની ધરપકડ પણ કરી લીધી છે. આ મામલે બંગાળમાં રાજકીય રૂપ પણ ધારણ કરી રહ્યો છે. રવિવાર ભાજપના પ્રદેશ અધ્યક્ષ સુકાંત મજૂમદાર પણ ઘટનાસ્થળે પહોંચ્યા અને પ્રદર્શન કરી રહેલા લોકોની મુલાકાત કરી હતી.તેમણે પોલીસને કહ્યું કે, એ લોકો વિરુદ્ધ કડક એક્શન લેવી જોઈએ જેમણે આવી હરકત કરી છે. 

શિક્ષિકાએ કહ્યું અમે અસુરક્ષિત અનુભવી રહ્યા છીએ

પીડિત શિક્ષિકાએ કહ્યું કે, ખાલી નાની એવી વાત પર છોકરીના વાલીઓએઅ 200 લોકો સાથે શાળામાં ઘૂસી આવ્યા હતા અને અમારી પર હુમલો કર્યો હતો. પોલીસે તો આ મામલે ફરિયાદ પણ નોંધી નહોતી. સ્થાનિક લોકો તરફથી જ્યારે હોબાળો થયો ત્યારે ફરિયાદ નોંધવામાં આવી હતી. પોલીસે 35 લોકો વિરુદ્ધ ફરિયાદ દાખલ કરી, મારપીટનો શિકાર થયેલા શિક્ષિકાએ કહ્યું કે, જ્યારે વિદ્યાર્થીઓ ક્લાસમાં અનુશાસનહીનતા બતાવે અથવા તો ભણવામાં ધ્યાન નથી આપતા ત્યારે અમે તેમના કાન પકડીએ છીએ અથવા તો એકાદ હળવી ટપલી મારી લેતા હોઈએ છીએ. શિસ્ત જાળવવા માટે આવુ કરવામાં આવે છે. જો કે આ ઘટના બાદ અમે અસુરક્ષિત અનુભવીએ છીએ, આખરે અમે શાળામાં 2000 જેટલા વિદ્યાર્થીઓને કેવી રીતે કંટ્રોલ કરવા.