પશ્ચિમ બંગાળમાં ભાજપને સ્ટાર પાવરનો ભરપૂર ઉપયોગ કરવાનું શરૂ કર્યું છે. ગોરખપુરના ભાજપ સાંસદ અને ભોજપુરી સિનેમાના ફિલ્મ સ્ટાર રવિ કિશને કહ્યું હતું કે, આ ચૂંટણીમાં મોદી લહેર ચાલી રહી છે.
તેમણે વધુમાં કહ્યું ચાની ગરમી સાથે મોદીના નામની પણ ગરમી ચાલી રહી છે. ગુંડાગર્દીથી બંગાળને પરિવર્તન જોઇએ છે. બહારના લોકો તરફથી હિંસાવાળા મમતા બેનર્જીના નિવેદન પર તેમણે કહ્યું કે, બંગાળને બંગાળ બનાવવા માટે યુપી અને બિહારના લોકોનું ખૂબ જ અગત્યનું યોગદાન છે.
મમતા બેનર્જી પર કર્યા આકરા પ્રહાર
રવિ કિશને વધુમાં કહ્યું કે, ગઇકાલે નન્દીગ્રામમાં રેપની ઘટના બની જ્યાં મમતા બેનર્જી ઉમેદવાર છે. બંગાળમાં આજે પણ બોંમ્બ ફેંકવામાં આવી રહ્યા છે. ઘરોમાંથી બોમ્બ મળી આવે છે. દીદીને લાગે છે કે, બંગાળ ભારતનો હિસ્સો રહ્યો નથી. રવિ કિશને દાવો કર્યો હતો કે, જ્યાં TMCના ઝંડા લાગી રહ્યા છે ત્યાં લોકો કહી રહ્યા છે કે, ભાજપને મત આપીશું. તેઓ દાવો કરી રહ્યા છે કે, 4માથી 2 સભાઓ રાજકીય કારણો આપીને રદ્દ કરી છે અને તેમની વાઇપ્લસ સુરક્ષા હોવા છતાં માત્ર એક જ સુરક્ષાકર્મી આપવામાં આવ્યો છે.
PM મોદીનો આભાર માનવો જોઇએ કે...
ભાજપના સાંસદે કહ્યું કે બંગાળમાં લોકો હજી પણ જીવજંતુઓ વાળુ પાણી પી રહ્યા છે. બંગાળમાં લોકોને કેન્દ્રની યોજનાઓનો લાભ મળી રહ્યો નથી. કેન્દ્રમાં જોડાતા ન હોવાને કારણે સંવાદિતા સર્જાઇ નથી. બંગાળ એક સમયે સોનાર બંગાળ હતું, તેને ફરીથી સોનાર બંગાળ બનાવવું પડશે.
ગોત્રના વિવાદ અંગે રવિ કિશનએ કહ્યું કે વડા પ્રધાન નરેન્દ્ર મોદીનો આભાર માનવો જોઇએ કારણ કે તેમણે તમામને ગોત્ર યાદ અપાવી, મંત્રનો પાઠ કરાવ્યો અને મંદિરમાં મોકલી આપ્યો. રવિ કિશને પોતાની ગોત્ર ગર્ગનું વર્ણન કરતાં કહ્યું કે ચૂંટણીમાં જે પ્રકારની ભાષા વાપરવામાં આવી રહી છે તે બતાવે છે કે ચૂંટણીનું સ્તર નીચું થઈ ગયું છે.