પેગાસસ જાસૂસીકાંડની તપાસ માટે પશ્ચિમ બંગાળ સરકારે જજની આગેવાનીમાં એક તપાસ કમિટિની રચના કરી છે. મુખ્યમંત્રી મમતા બેનરજીએ કહ્યું કે આવું કરનાર બંગાળ પહેલું રાજ્ય છે.
પેગાસસ જાસૂસી કાંડની તપાસ માટે બંગાળ સરકારે કમિટિની રચના કરી
મમતાએ બેનરજીએ જણાવ્યું કે મને આશા છે કે કેન્દ્ર સરકાર પણ આ કેસમાં કંઈક કરશે. મમતાએ કહ્યું કે પેગાસસ દ્વારા ન્યાયપાલિકાથી માંડીને નાગરિકો સુધીની જાસૂસી કરાઈ. અમને આશા છે કે સંસદના સત્ર દરમિયાન સુપ્રીમ કોર્ટની દેખરેખમાં પણ તપાસ કરશે પરંતુ આવું કંઈક થયું નથી. પશ્ચિમ બંગાળ તપાસ શરુ કરનાર પહેલું રાજ્ય છે.
જાસૂસીથી બચવા મેં મારો ફોન પ્લાસ્ટર કરાવી લીધો છે- મમતાએ કહ્યું હતું
પશ્ચિમ બંગાળના સીએમ મમતા બેનરજીએ પેગાસસ ફોન હેકિંગ વિવાદ અંગે કેન્દ્ર સરકાર પર પ્રહાર કરતા જણાવ્યું કે જાસૂસીથી બચવા મેં મારો ફોન પ્લાસ્ટર કરાવી લીધો છે.
મમતા બેનરજીએ બુધવારે જણાવ્યું કે મેં મારો ફોનના કેમેરાને કવર કરી લીધો છે. જેથી હેકિંગ દ્વારા જાસૂસી ન થઈ શકે. બેનરજીએ એવું પણ જણાવ્યું કે અમારા ફોન ટેપ કરાઈ રહ્યાં છે. બંગાળના સીએમે કહ્યું કે અમે પેગાસસથી ડરનાર નથી. હું કોઈની પણ સાથે વાત કરી શકતી નથી.
બેનરજીએ કહ્યું કે જેવી રીતે મેં મારો ફોનને કવરથી ઢાંકી દીધો છે. તેવી રીતે આપણે કેન્દ્ર સરકારને પણ ઢાંકી દેવાની છે, અન્યથા દેશ બર્બાદ થઈ જશે. મમતાએ કહ્યું કે કેન્દ્ર સરકારે ઈઝરાઈલી સ્પાઈવેર દ્વારા લોકોની જાસૂસી કરાવવાનું કામ કર્યું છે. મમતાએ પોતાનો પ્લાસ્ટર કરેલો ફોન દેખાડતા કહ્યું કે ફોનને કવર કરવો પડે તેવી સ્થિતિ છે કારણ કે તેઓ દરેક ચીજ પર નજર રાખી રહ્યાં છે. પછી ભલેને તે વીડિયો હોય કે ઓડિયો. મમતાએ એવો પણ દાવો કર્યો કે હું મારા સમકક્ષો સાથે પણ વાત કરી શકતી નથી.
મમતાએ કહ્યું, ઓડિશા અને દિલ્હીના સીએમ સાથે પણ વાત કરી શકતી નથી
મમતાએ કહ્યું કે દિલ્હી અને ઓડિશાના મુખ્યમંત્રી સાથે પણ વાત કરી શકતી નથી. પેગાસસ ખતરનાક છે. તે લોકોની પજવણી કરી રહ્યું છે. ઘણી વાર હું પણ વાત કરી શકતી નથી. કેન્દ્ર સરકારે આ દેશને સર્વલન્સ સ્ટેટમાં તબ્દિલ કરવા માંગે છે.