16 વર્ષની છોકરી જિલ્લાની હોસ્પિટલમાં પોતાનું લોહી વેંચવા પહોંચી ગઇ. લોહી વેંચવાનું કારણ હતુ સ્માર્ટફોન. જેવી જ આ ઘટનાની જાણકારી બ્લડ બેંક અધિકારીઓને થઇ તેમણે તરત જ ચાઇલ્ડાઇનમાં માહિતી આપી.
16 વર્ષની છોકરી લોહી વેંચવા પહોંચી હોસ્પિટલ
સ્માર્ટફોન ખરીદવા લીધું આ પગલું
અધિકારીઓએ ચાઇલ્ડલાઇનમાં કરી જાણ
પશ્ચિમ બંગાળ: સ્માર્ટફોનને લઇને આજકાલની જનરેશનમાં એક અલગ જ પ્રકારનો ક્રેઝ જોવા મળે છે ત્યારે વધુ એક કેસ ટીનએજ બાળકીનું સામે આવ્યું છે. પશ્ચિમ બંગાળની 16 વર્ષની એક બાળકીએ સ્માર્ટફોન ખરીદવા હોસ્પિટલમાં પોતાનું બ્લડ વેંચવા ઇચ્છતી હતી અને જેવી આ ઘટનાની જાણકારી બ્લડ બેંકના અધિકારીને થઇ તેણે તરત જ ચઇલ્ડલાઇનમાં માહિતી આપી. ત્યારબાદ જિલ્લાની કલ્યાણ સમિતીએ છોકરીની કાઉન્સિલિંગ કરી માતા-પિતા પાસે પાછી મોકલી.
બાલુરઘાટ જિલ્લામાં બન્યો બનાવ
બાલુરઘાટ જિલ્લા હોસ્પિટલનાં બ્લડ બેંકમાં કાઉન્સલર કનક કુમાર દાસે જણાવ્યું કે 'સવારે 10 વાગ્યા આસપાસ આ છોકરી અમારા પાસે આવેલી હતી. પહેલાં તો અમને લાગ્યું કે તે બ્લડ ડોનેટ કરવા આવેલ છે પણ જેવું જ તેણે કહ્યું કે તે બ્લડ વેંચવા માંગે છે, અમે સૌ ચોંકી ગયાં. ' તેમની ટીમને લાગ્યું કે આ છોકરી પોતાના ભાઇના ઇલાજ માટે પૈસાની જરૂર હોતાં બ્લટ વેંચવા માંગે છે પણ થોડીવાર થયેલ વાતચીત બાદ જાણવા મળ્યું કે તેણે સ્માર્ટફોન ખરીદવા આ પગલું ભરવા જઇ રહી છે.
ઑનલાઇન કરી ચૂકી હતી ફોન ઑર્ડર
છોકરીએ જણાવ્યું કે તેના કોઇ સંબંધનાં ફોનમાંથી પોતાના માટે ફોન ઑર્ડર કરેલ છે. તેની કિંમત ચૂકવવા તેને પૈસાની જરૂર હતી. જાણકારી અનુસાર આ છોકરી તપન નામક કોઇક જગ્યાથી બાલુરઘાટ પહોંચી હતી જે આશરે 30 કિમી દૂર છે. છોકરીના પિતા લોકલ બજારમાં શાક વેંચે છે. ફોન લેવા પૈસાની જરૂર હોતાં તેણે આ પગલું ભર્યું. છોકરી સગીરાં હતી તેથી અધિકારીઓએ તત્કાળ ચાઇલ્ડલાઇન પર ફોન કરી જાણકારી આપી.
પિતા હતાં વાતથી અજાણ
છોકરીએ આ ફોન 9000રૂ. માં ઑર્ડર કર્યો હતો. આ ફોનની ડિલીવરી ગુરુવારે થનારી હતી. સોમવારે છોકરી ટ્યૂશન ભણવાને બહાને નિકળી અને સાયકલને બસ સ્ટેન્ડ પર મૂકી બસ પકડી. હોસ્પિટલ પહોંચીને આ ઘટના સામે આવતાં અધિકારીઓ એ પરિવારને જાણ કરી હતી. છોકરીનાં પિતાએ જણાવ્યું કે જ્યારે તે બહાર નિકળી ત્યારે તે ઘરે નહોતા. હું તો એ વાતથી ચિંતિત છું કે તેના મગજમાં લોહી વહેંચી અને ફોન ખરીદવાની વાત આવી ક્યાંથી?