ROYAL ENFIELDની વધી શકે છે મુશ્કેલી ભારતમાં લોન્ચ થશે આ શાનદાર બાઈક

ઈટલીની સૌથી જૂની મોટરસાયકલ બનાવનારી કંપની BENELLIની ઈંમ્પોરિયલ 400 ક્રૂઝર બાઈક ટુંક સમયમાં ભારતમાં લોન્ચ થશે. રિપોર્ટ્સ પ્રમાણે આ બાઈકને 2019 સુધી ભારતીય માર્કેટમાં ઉતારવામાં આવી શકે છે. કંપનીએ પોતાની આ બાઈકને સૌથી પહેલા EICMA 2017 ઓટો એક્સપોમાં રજૂ કરી હતી. આ લેટેસ્ટ બાઈકને રેટ્રો ક્રૂઝર બાઈકનો લુક આપવામાં આપ્યો છે. 

કંપનીના ચીફ માર્કેટિંગ ઓફિસર DANTE BUSTOSના જણાવ્યા અનુસાર ઈમ્પીરિયલ 400 બાઈક કંપની માટે ખૂબ જ મહત્વપૂર્ણ બાઈક હશે જેની સીધી હરીફાઈ રોયલ એન્ફિલ્ડની બાઈક સાથે હશે.

ભારતીય માર્કેટિ માં 350-500 સીસી બાઈકના સેગમેન્ટમાં અત્યાર સુધી ફક્ત રોયલ એન્ફિલ્ડની બાઈક્સનો જ કબ્જો છે પણ આવનારા દિવસોમાં રોયલ એનફિલ્ડની મુશ્કેલીમાં વધારો થવાનો છે કેમ કે હાર્લે ડેવિડસન પણ 250-300સીસીની બાઈક ભારતમાં લોન્ચ કરવાનું છે.

હવે બનેલીએ પણ પોતાની 400 સીસીની બાઈકને ભારતમાં લોન્ચ કરવાની ઘોષણા કરી દીધી છે. હવે માર્કેટમાં પોતાનો દબદબો બનાવી રાખવા એન્ફિલ્ડ સામે એક મોટો પડકાર છે.