અમેરિકી કંપની મોર્ડનાએ સોમવારે દાવો કર્યો કે તેની કોરોના વેક્સીન mRNA-1273 94. 5 ટકા પ્રભાવી સાબિત થઈ રહી છે. આ પહેલાં અમેરિકી કંપની ફાઈઝરે કહ્યું છે કે તેની કોરોના વેક્સીન 90 ટકા પ્રભાવી થઈ રહી છે. અનેક રિપોર્ટમાં કહેવાયું છે કે મોર્ડના વેક્સીનને તુલનાત્મક રીતે સારી ગણવામાં આવી રહી છે. તો જાણો કઈ રીતે મોર્ડનાની વેક્સીન વધુ સારી સાબિત થઈ શકે છે.
અમેરિકી કંપની મોર્ડનાએ કર્યો દાવો
કોરોના વેક્સીન mRNA-1273 94. 5 ટકા પ્રભાવી
મોર્ડનાની વેક્સીન વધુ સારી સાબિત થઈ
આ 5 કારણોથી વધુ અસરકારક રહી છે અમેરિકી કંપનીની વેક્સીન
1. નવી ટેકનિકથી બનાવવામાં આવી છે વેક્સીન
મોર્ડનાની વેક્સીન નવી ટેકનિક પર આધારિત છે. mRNA ટેકનિક માનવ શરીરને વેક્સીન ફેક્ટ્રીમાં બદલે છે અને આ વેક્સીન શરીરના સેલ્સને વાયરસ પ્રોટીન બનાવવા પ્રેરિત કરે છે.
2. મોર્ડનાની વેક્સીનને સ્ટોર કરવાનું છે સરળ
મોર્ડના કંપનીએ લેટ સ્ટેડ ક્લિનિકલ ટ્રાયલના છેલ્લા ડેટાના આધારે કહ્યં કે આ વેક્સીન 94.5 ટકા સફળ રહી છે. આ વેક્સીનને 30 દિવસમાં સામાન્ય ફ્રિઝમાં સ્ટોર કરી શકાય છે. 6 મહિના સુધી સ્ટોર કરવા માટે માઈનસ 20 ડિગ્રી તાપમાનની જરૂર રહે છે. ફાઈઝરની વેક્સીન ફક્ત 5 દિવસ જ સામાન્ય ફ્રિઝના તાપમાને સુરક્ષિત રહી શકે છે. લાંબા સમય સુધી સ્ટોર કરવા અને એક જગ્યાએથી બીજી જગ્યાએ લઈ જવા માટે ફાઈઝરની વેક્સીનને માઈનસ 70 ડિગ્રી તાપમાનની જરૂર રહે છે. આ કારણે મોર્ડનાની વેક્સીનને સરળતાથી સપ્લાય કરી શકાય છે.
3. વેક્સીન લગાવવાથી સંક્રમણ થશે તો પણ ગંભીર બીમાર નહીં થાય દર્દી
મોર્ડના વેક્સીનના ટ્રાયલના અંતરિમ ડેટા અનુસાર 95 સંક્રમણ કેસમાં ફક્ત 5 ટકા લોકો એવા હતા જેમાં વેક્સીન આપવામાં આવી હતી. 28 દિવસોના અંતર પર વેક્સીનના 2 ડોઝ આપ્યા બાદ 5 લોકો કોરોનાથી સંક્રમિત જોવા મળ્યા હતા. ટ્રાયલ ડેટાથી એ પણ ખ્યાલ આવે છે કે વેક્સીન લગાવ્યા બાદ જે લોકોને સંક્રમણનો સામનો કરવો પડ્યો તેમાંથી કોઈ પણ ગંભીર રીતે બીમાર થયું નથી, ફાઈઝરની વેક્સીન ગંભીર રીતે લોકોને બીમાર થતા અટકાવે છે કે નહીં તેનો જવાબ હજુ સુધી મળ્યો નથી.
4. આ વર્ષે શરૂ કરી શકાય છે મોર્ડનાનો સપ્લાય શરૂ
મોર્ડનાના ટ્રાયલમાં સામેલ 95 કેસમાં જાણવા મળ્યું કે 11 લોકો કોરોનાથી ગંભીર રીતે બીમાર થયા છે પણ હજુ સુધી લોકોને વેક્સીન મળી નથી અને પ્લેસેબો આપવામાં આવ્યો છે. મોર્ડના કંપની અમેરિકાની સરકારના ઓપરેશન વાર્પ સ્પીડ પ્રોગ્રામનો ભાગ છે જે જલ્દી વેક્સીન તૈયાર કરવા માટે શરૂ કરાયો છે. મોર્ડના કંપની આ વર્ષે વેક્સીનની 2 કરોડ ખોરાકનો સપ્લાય અમેરિકાને કરી શકે છે. કંપની 2021માં અમેરિકા અને દુનિયાના અન્ય ભાગોમાં વેક્સીનના 50 કરોડ રૂપિયાથી એક અરબ ખોરાક સુધી ઉત્પાદન કરવાની આશા રાખી રહી છે.
5. કોઈ પણ અન્ય વેક્સીનથી વધારે પ્રભાવિત
ફાઈઝર કંપનીએ વેક્સીનને 90 ટકા પ્રભાવિત હોવાનો દાવો કર્યો છે. રશિયાની સ્પૂતનિક વીનો સીમિત ડેટા સાર્વજનિક કરાયો છે અને સાથે વેક્સીનના ભરોસાને લઈને પણ પ્રશ્નો થઈ રહ્યા છે. 11 નવેમ્બરે રશિયાએ કહ્યું કે 20 સંક્રમણના કેસના વિશ્લેષણથી ખ્યાલ આવ્યો કે વેક્સીન 92 ટકા પ્રભાવી રહે છે. મોર્ડના કંપનીની વેક્સીન તેનાથી વધારે એટલે કે 94.5 ટકા પ્રભાવી રહી છે. ચીનની અન્ય વેક્સીનના ટ્રાયલ સાથે જોડાયેલો ડેટા હજુ સુધી સાર્વજનિક કરાયો નથી.