બ્યૂટી / Steam Facialથી મેળવો ઇન્સ્ટન્ટ ગ્લો, ફોલો કરો આ સ્ટેપ

પાર્ટીમાં જવાનું હોય કે ડેટ પર, સૌથી પહેલા ટેન્શન સારા લુકને લઇને હોય છે. ખાસ કરીને જ્યારે પાર્લરમાં જવાનો ટાઇમ ન હોય. ત્યારે વિચાર એ આવે છે કે સ્કિન માટે એવું શું કરવામાં આવે કે સ્કિન ગ્લોઇંગ બને. આજે અમે અહીં એવા ફેસિયલની વાત કરીશું, જેને ઘરે સરળતાથી અજમાવી શકો છો. જે તમને ઇન્સ્ટન્ટ ગ્લો આપશે. તો જાણીએ સ્ટીમ ફેશિયલ અને તેના ફાયદા વિશે.

ઘરે સ્ટીમ  ફેશિયલ કરવા માટે સૌથી પહેલા તમારા ચહેરાને સારા ફેશવોશનો ઉપયોગ કરી ઠંડા પાણીથી ધોઇ લો. ત્યારબાદ ચહેરાને સારા ટૉવેલથી લુછી લો. હવે એક વાસણમાં પાણી ગરમ કરો. એક વાતનું ખ્યાલ રાખવું પાણી તેટલું જ ગરમ કરવું જેટલું તમારી સ્કીન સહન કરી શકે. 

ગરમ પાણીમાં તમારી સ્કીન મુજબ એસેન્શિયલ ઓઇલ પસંદ કરો અને તેની કેટલીક ડ્રોપ તેમા મિલાવો. તમારા માથાને ટૉવેલથી ઢાંકી લો, જેથી તમારો ચહેરો કવર થઇ જાય, બાદમાં સ્ટીમ માટે તમારા ચહેરાને ગરમ પાણીના વાસણ અથવા સ્ટીમર પર ઝુકાવો. 

ઓછામાં ઓછું 10 મિનિટ સુધી ઉંડા શ્વાસ લેતા આંખ બંધ રાખી સ્ટીમ લો. જેથી તમારા ચહેરાના રોમછિદ્ર ખુલી જશે. અહીં ધ્યાન એ રાખવું કે તમારે વધારે સમય સ્ટીમ લેવાનો નથી. વધારે સમય ફેસ પર સ્ટીમ લેવાથી તે બળી શકે છે.

હવે સ્કિન પર ફેસ માસ્ક લગાવો, જે રોમછિદ્રો માંથી ગંદકી બહાર ખેંચી લેવામાં મદદ કરશે, એ માટે ક્લે માસ્ક સૌથી બેસ્ટ રહેશે. 15 મિનિટ આ માસ્ક લગાવેલો રહેવા દો, ત્યારબાદ ચહેરાને સામાન્ય પાણીથી ધોઇ લો. 

હવે સ્કિન પર ટોનર લગાવો, જો ટોનર ન હોય તો તમે લીંબૂનો પણ ઉપયોગ કરી શકો છો. બાદમાં ફેસ પર મોઇશ્ચરાઇઝિંગ ક્રીમ લગાવો. સ્ટીમ લેવાથી સ્કિન ડ્રાઇ થઇ જતી હોય છે તેથી મોઇશ્ચરાઇઝિંગ ક્રીમ લગાવવી જરૂરી છે.