લાભ / 30 લાખ સુધીનો ફ્રી વીમો, જાણો SBIના કયા ખાતાધારકોને મળી રહ્યા છે ઢગલાબંધ ફાયદા

• SBI સેલેરી એકાઉન્ટમાં ઝીરો બેલેન્સની સુવીધા 
• 30 લાખ સુધીનો વીમો 
• 20 લાખ સુધીના એક્સીડેન્ટલ ડેથ કવર

જો તમારી પાસે SBIનું સેલેરી એકાઉન્ટ છે તો તમને ઘણા બઘા ફાયદા મળી શકે છે. SBIએ સેલેરી એકાઉન્ટ પર ઘણા પ્રકારની ઓફર આપી છે. જેમાં ઝીરો બેલેન્સ, 30 લાખ સુધીનું ઈન્શ્યોરન્સ, કોઈ પણ બેન્કના એટીએમમાં મફત અમર્યાદીત લેવડ દેવડ, મફત ઓનલાઈન NEFT/RTGS, ઓવર ડ્રાફ્ટ સહિત અન્ય સુવિધાઓ શામેલ છે. 

SBI સેલેરી એકાઉન્ટમાં ફાયદા
જે લોકોનું SBIમાં સેલેરી એકાઉન્ટ છે તેમને ઘણા ફાયદા મળી રહ્યા છે. SBIની ઓફિશ્યલ વેબસાઈટ sbi.co.in અનુસાર, એસબીઆઈ સેલેરી ખાતાના લાભોમાં વીમા લાભનો સમાવેશ થાય છે. સાથે જ પર્સનલ લોન, હોમ લોન, કાર લોન, એજ્યુકેશન લોન વગેરેમાં છૂટછાટ આપવામાં આવે છે. 

SBI સેલેરી એકાઉન્ટના ફાયદા 
એક્સીડેન્ટલ ડેથ કવર 
SBI સેલેરી ખાતાધારક 20 લાખ સુધીના એક્સીડેન્ટલ ડેથ કવરનો હકદાર છે. 

એર એક્સીડેન્ટલ ડેથ કવર 
SBIની ઓફિશ્યલ વેબસાઈટ sbi.co.in અનુસાર, હવાઈ દુર્ઘટનામાં મૃત્યુના મામલામાં,  SBI સેલેરી એકાઉન્ટ હોલ્ડર 30 લાખ રૂપિયા સુધીની હવાઈ દુર્ઘટના વીમા કવરનો હકદાર છે. 

લોન પ્રોસેસિંગ ફીમાં 50%ની છૂટ 
એક SBI સેલેરી એકાઉન્ટ હોલ્ડર્સને પર્સનલ લોન, હોમ લોન, કાર લોન વગેરે જેવી કોઈ પણ લોન પર 50 ટકા પ્રોસેસિંગ ફીમાંથી છૂટછાટ આવામાં આવે છે.

. 

ઓવરડ્રાફ્ટ સુવિધા 
ભારતીય સ્ટેટ બેન્ક પોતાના સેલેરી એકાઉન્ટ હોલ્ડરને પણ ઓવરડ્રાફ્ટ સુવિધા આપે છે. ભારતની સૌથી મોટી બેન્ક SBI સેલેરી એકાઉન્ટહોલ્ડરને ઓવર ડ્રાફ્ટ સુવિધા હેઠળ બે મહિના સુધીની સેલેરી આપે છે. 

લોકર ફીમાં છૂટછાટ 
SBI પોતાના સેલેરી એકાઉન્ટ હોલ્ડરને લોકર ફી પર 25 ટકા સુધીની છૂટ આપે છે. 

આ ઉપરાંત SBIમાં સેલેરી એકાઉન્ટ હોય તો ઝીરો બેલેન્સનો ફાયદો આપવામાં આવે છે. બેન્કના એટીએમથી અસીમીત લેવડ દેવડ કરી શકાય છે. આ ઉપરાંત ફ્રીમાં એસએમએસ એલર્ટની સુવિધા આપવામાં આવે છે.