ફાયદાકારક / રોજ માત્ર અડધી ચમચી આ ચમત્કારી પાઉડર ખાઈ લો, ઝડપથી ઈમ્યૂનિટી વધશે અને બીમારીઓ રહેશે દૂર

• રોજ ત્રિફલાનું સેવન કરવું જોઈએ
• આ હરડે, બહેડા અને આમળાથી બને છે
• અનેક રોગોનું મારણ છે ત્રિફલા

કોઈપણ ત્રિફલાનું સેવન કરી શકે છે. જો તમને કોઈ રોગ ન હોય તો પણ તમે તેનું સેવન કરી શકો છો. ચરક સંહિતા અનુસાર એક વ્યક્તિ કોઈ બીમારી વિના પણ એક વર્ષથી વધુ સમય સુધી તેનું સેવન કરી શકે છે. અડધી ચમચીથી 5 ગ્રામ સુધીની માત્રામાં ત્રિફલા લઈ શકાય છે. તેને નવશેકા પાણી સાથે અથવા સાદાં પાણી સાથે પણ લઈ શકાય છે. 

અત્યારે સ્ટ્રેસને કારણે ઘણાં લોકોને માથામાં દુખાવાની સમસ્યા થવા લાગે છે. તેનાથી બચવા માટે ત્રિફલાનું સેવન કરી શકો છો. ત્રિફલા, હળદર, કડવા લીમડાની છાલ અને ગિલોયને પાણીમાં ઉકાળીને પાણી અડધું બચે એટલે ઠંડુ કરી તેમાં સહેજ ગોળ નાખીને તેનું સેવન કરો. એક સપ્તાહ સવાર-સાંજ તેનું સેવન કરો. દુખાવો દૂર થઈ જશે. 

નિયમિત ત્રિફલાનું સેવન કરવાથી ઈમ્યૂનિટી વધે છે અને શરીર બેક્ટેરિયાથી મુક્ત રહે છે.

ત્રિફલા એવી 3 વસ્તુઓથી બને છે જે પેટની અંદરથી સફાઈ કરે છે. ત્રિફલાને ગૌમૂત્ર સાથે સેવન કરવાથી આફરો, પેટ દર્દ વગેરેથી પણ છૂટકારો મળે છે. 

કબજિયાતમાં બેસ્ટ અસર કરે છે. રાતે સૂતા પહેલાં નવસેકા પાણી સાથે અડધી ચમચી ત્રિફલા ચૂર્ણ ખાઈને સૂવાની પેટ સાફ થઈ જાય છે આ સિવાય તમે ઈસબગૂલ સાથે પણ મિક્સ કરીને તેને લઈ શકો છો. 

એનિમિયાથી પીડિત લોકો માટે ત્રિફલાનું સેવન લાભકારી છે. નિયમિત રીતે તેને ખાવાથી શરીરમાં રેડ બ્લડ સેલ્સ વધે છે અને લોહીની કમી થતી નથી. 

ત્રિફલામાં ભરપૂર એન્ટીઓક્સીડેન્ટ ગુણ હોય છે. જેથી તે વધતી ઉંમરની અસરને રોકે છે. સાથે જ મોટી ઉંમરે પણ યુવાન રાખે છે. 

આંખોની રોશની વધારવા માટે બેસ્ટ છે. રાતે 1 ગ્લાસ પાણીમાં 1 ચમચી ત્રિફલા પલાળી સવારે તે પાણીને ગાળીને તેનાથી આંખો ધુઓ. તેનાથી આંખોની સમસ્યા પણ દૂર થશે.

આ સિવાય ડાયાબિટીસ, મોંની દુર્ગધ અને સ્કિન માટે પણ બહુ જ બેસ્ટ છે ત્રિફલા.