તમારા કામનું / શરીરમાંથી ઝેરી તત્ત્વ કાઢી વજન પણ ઘટાડશે પરસેવો, જાણો કેવી રીતે 

• શરીરમાંથી ઝેરી પદાર્થ કાઢી નાંખે છે
• શરીરમાં ઘણાં પ્રકારના કાર્બનિક કેમિકલ હોય છે
• પરસેવો વળવાથી પોર્સ ખૂલે છે

જોકે પરસેવો નીકળવો શરીર માટે ખૂબ ફાયદાકારક છે. તે શરીરમાંથી ઝેરી પદાર્થ કાઢી નાંખે છે. પરસેવો વળે તે શરીર માટે ખૂબ સારી બાબત છે. પરસેવો વળવાથી શરીરમાંથી ઝેરી પદાર્થ બહાર નીકળી જાય છે. આ સાથે જ પરસેવો શરીરને ઠંડું રાખવામાં પણ મદદ કરે છે.

રાસાયણિક તત્ત્વ બહાર કાઢે છે

શરીરમાં ઘણાં પ્રકારના કાર્બનિક કેમિકલ હોય છે. જે તબિયત પર ખરાબ અસર કરે છે. પરસેવો વળે એટલે આ કેમિકલ પણ શરીરમાંથી બહાર નીકળી જાય છે અને સ્વાસ્થ્ય સંબંધી તકલીફો ઓછી થઈ જાય છે.

રોમ છિદ્રો ખોલે
પરસેવો નેચરલ ક્લિન્ઝરની જેમ કામ કરે છે. પરસેવાના કારણે શરીરમાં રોમ છિદ્રો ખૂલી જાય છે. પરિણામે શરીરની ગંદકી અને બેક્ટેરિયા બહાર નીકળી જાય છે.

વાળ માટે ફાયદાકારક
પરસેવો સ્કિન માટે જ નહીં, વાળ માટે પણ ફળદાયી છે. ખોપરીમાં પરસેવો વળવાથી પોર્સ ખૂલે છે. જેનાથી વાળના વિકાસમાં મદદ મળે છે. અલબત્ત પરસેવાના કારણે માથામાં ખંજવાળ આવી શકે છે. તેનાથી બચવા માટે શેમ્પૂથી વાળ ધોવા જોઈએ.

કુદરતી નિખાર આપે
પરસેવો વળવાથી ત્વચાને કુદરતી નિખાર મળે છે. પરસેવાના કારણે બ્લડ સર્ક્યુલેશન વધે છે. પરિણામે સ્કિન ગ્લો થાય છે. પરસેવો નીકળ્યા બાદ સ્કિનમાં સોફ્ટનેસ પણ આવે છે.

વજન ઓછું થાય
પરસેવાના કારણે કેલરી પણ બર્ન થાય છે. પરિણામે વજન ઘટવામાં મદદ મળે છે. જોકે, કસરત અથવા કોઈ મહેનતનું કામ કરવાથી કેલરી બાળવા જેવો પરસેવો વળે છે.

તણાવમાં રાહત આપે
પરસેવો નીકળવાથી તણાવમાં રાહત મળે છે. સ્ટ્રેસ હોય ત્યારે કસરત કરવી જોઈએ. જેનાથી પરસેવો નીકળે છે. આ પરસેવો શરીરની ગરમીને ઓછી કરે છે અને સ્ટ્રેસ દૂર ભાગે છે.