સ્વાસ્થ્ય / પેટ પર આવી રીતે ફેરવો હાથ, મટી જશે આટલી તકલીફો

• ધીમે ધીમે મસાજથી કબજિયાત અને પેટના દુખાવામાં રાહત થાય છે
• પેટ પર મસાજ કરો છો તો પેટના સ્નાયુઓ શેપમાં આવી જશે
• ​પેટ પર મસાજ કરવાથી બોડીનો મેટાબોલિઝમ રેટ વધે છે

અગાઉના સમયમાં પણ વડીલો ઘરના મસાજનો ઉપયોગ કરતા હતા. પરંતુ સમય બદલાતાની સાથે લોકો તેને ક્યાંયર ભૂલી ગયા છે. હવે લોકોને પાર્લર જઇને મોંઘા મસાજ લેવા ગમે છે. સારી મસાજથી શરીરનો થાક મીનિટોમાં જ ગાયબ થઇ જાય છે. પરંતુ શું તમે જાણો છો પેટ પર મસાજ કરવાથી ચમત્કારિક ફાયદા થાય છે. 

રિસર્ચ અનુસાર, ધીમે ધીમે મસાજથી કબજિયાત અને પેટના દુખાવામાં રાહત થાય છે. જો તમે રોજ પેટ પર મસાજ કરો છો તો પેટના સ્નાયુઓ શેપમાં આવી જશે. અને પેટ સાફ ન આવવાની સમસ્યાથી પણ રાહત થશે.

મોટાપો ઘટાડવા માટે પણ પેટ પર મસાજ  ખૂબ અસરકારક છે. રોજ પેટ પર મસાજ કરવાથી બોડીનો મેટાબોલિઝમ રેટ વધે છે. જેનાથી ખોરાકનું પાચન સારી રીતે થાય છે. આ ઉપરાંત, જો તમને પેટ સંબંધિત તકલીફો હોય તો મસાજ તેમાં ખૂબ અસરકારક છે. તેનાથી ગેસની સમસ્યામાં પણ રાહત મળે છે. તેથી આ રીતે પેટ પર 3 મિનિટ થોડો હળવો હાથ ફેરવવાથી એટલે કે ઘરે જ મસાજ આપવાથી કબજિયાત અને પેટનો દુખાવો મટી જશે. 

પેટ પર મસાજથી પેટમાં દુખાવો, ડિપ્રેશન અને લાંબા સમયની કબજિયાતથી પણ રાહત મળે છે. ફક્ત તે માટે તમારે એક ખાસ રીત અજમાવવી પડશે. સૂઈ જાવ અને હથેળીમાં થોડું સરસિયાનું તેલ કે ઓલિવ ઓઈલ લઈ સતત 3 મિનિટ માટે પેટ પર હથેળી ફેરવતા મસાજ કરતા રહો. તે બાદ થોડી હૂંફ જેવું લાગે તો મગજને સ્થિર કરીને મસાજ પર ધ્યાન કેન્દ્રિત કરો.