ઉપયોગી / નવરાત્રિના અનુષ્ટાન્ન દરમિયાન આ વસ્તુનો રાખો ખાસ આગ્રહ, પાચનક્રિયા નહી પડે મંદ

• ઉપવાસ દરમિયાન ખાવુ જોઇએ સિંધવ મીઠું
• મીઠું ખાવાના છે અનેક ફાયદા
• બ્લડ પ્રેશર રહેે છે કંટ્રોલમાં

શું તમે જાણો છો કે નવરાત્રીના ઉપવાસમાં શા માટે રોક સોલ્ટ એટલે કે સિંધવ મીઠાનો ઉપયોગ કરવામાં આવે છે ? 2 એપ્રિલથી નવરાત્રીનો તહેવાર શરૂ થઈ રહ્યો છે. આવી સ્થિતિમાં, તમે જોયું જ હશે કે વ્રત દરમિયાન બધા ભક્તો ફળ ખાય છે અને ભોજનમાં સિંધવ મીઠુંનો ઉપયોગ કરે છે. એવું માનવામાં આવે છે કે આ મીઠું ખૂબ જ શુદ્ધ છે. આ ઉપરાંત, આ મીઠું બનાવતી વખતે, કોઈપણ પ્રકારની રાસાયણિક પ્રક્રિયામાંથી પસાર કરવામાં આવતુ નથી આ કારણોસર તેને ઉપવાસમાં પણ ખાઇ શકાય છે. માર્કેટમાં સફેદ અને ગુલાબી એમ બંને રંગનું સિંધવ મીઠું મળે છે. તમે તેના તૈયાર ગાંગડા લાવીને ઘરે મિક્સરમાં ક્રશ કરી શકો છો.  જો તેમ ન કરવુ હોય તો મોટી દુકાનોમાં તેનો પાવડર પણ મળે છે. તેનો ઉપયોગ  રોજિંદા જીવનમાં રસોઇમાં કરવો જોઇએ.

પાચન ક્રિયાને સ્વસ્થ રાખે

પાચનતંત્રને સ્વસ્થ બનાવવા માટે પણ રોક સોલ્ટનો ઉપયોગ કરવામાં આવે છે. જો તમને ઉલ્ટી કે ઉબકા આવવાની ફરિયાદ હોય તો લીંબુના રસમાં રોક સોલ્ટ મિક્સ કરીને પીવું જોઈએ. આનાથી તમને તાત્કાલિક લાભ મળશે.

આંખો માટે ફાયદાકારક

આ સિવાય રોક સોલ્ટ પણ આંખો માટે ખૂબ જ ફાયદાકારક માનવામાં આવે છે. આંખની રોશની ઓછી થવાથી બચાવવા માટે પણ રોક મીઠું ઉપયોગી છે.

બ્લડ પ્રેશર નિયંત્રણમાં રહેશે

જો તમે બ્લડ પ્રેશરની સમસ્યાથી ઝઝૂમી રહ્યા છો, તો રોક સોલ્ટ તમારા માટે ઉપયોગી સાબિત થઈ શકે છે. એવું માનવામાં આવે છે કે રોક સોલ્ટની અંદર કેલ્શિયમ અને પોટેશિયમ પુષ્કળ પ્રમાણમાં જોવા મળે છે. આવી સ્થિતિમાં જે લોકો ઝડપથી થાકી જાય છે તેઓ રોક સોલ્ટનું સેવન કરીને બ્લડ પ્રેશરની સમસ્યાને ઓછી કરી શકે છે.