લીમડો આપણા માટે પ્રાકૃતિનું વરદાન છે. લીમડાના વૃક્ષથી પાનથી લઇને ડાળી સુધી દરેક વસ્તુ ઉપયોગી છે. લીમડો સ્વાસ્થ્ય અને સૌંદર્ય બંને પૂરા પાડે છે. ઘણી બ્યુટી પ્રોડક્ટમાં લીમડાનો મુખ્ય વસ્તુ તરીકે ઉપયોગ થાય છે. લીમડાના પાન-ડાળીની જેમ તેનું ફળ લીંબોળી પણ સ્વાસ્થ્ય માટે ફાયદાકારક છે. આયુર્વેદમાં લીંબોળીના તેલને ખૂબ જ ગુણકારી માનવામાં આવે છે. શરીરના ઘણા રોગો અને પરેશાનીઓમાં લીંબોળીના તેલથી આરામ મળે છે. જાણી લીંબોળીના તેલના વિવિધ ફાયદા..
પ્રદુષણના કારણે સ્કીન ડેમેજ થાય છે. લીંબોળીનું તેલ હાઇડ્રોફોબિક પ્રકૃતિ ધરાવે છે. એટલે કે પાણીમાં મિક્સ ન કરી શકાય. લીંબોળીના તેલમાં નારિયેળનું તેલ મિક્સ કરીને સ્કીન પર લગાવવાથી ડ્રાય સ્કીનમાં રાહત મળશે.
લીંબોળીના તેલમાં ફેટી એસિડ રહેલુ હોય છે જેમાંથી નીકળતું મોઇશ્ચરથી ડ્રાયનેસ દૂર થાય છે. વાળમાં લીંબોળીનું તેલ લગાવીને મસાજ કરો અને પછી વાળ ધોઇ નાખો. વાળ ધોયા પછી એકદમ સ્મૂધ લાગશે. વાળનો ગ્રોથ સારો થાય તેવું ઇચ્છતા હોવ તો પહેલા સ્કાલ્પનુ ધ્યાન રાખો. સ્કાલ્પ હેલ્ધી હશે તો જ ગ્રોથ સારો થશે. સ્કાલ્પને હેલ્ધી રાખવા માટે લીંબોળીનુ તેલ શ્રેષ્ઠ છે.
વાળમાં જૂ પડવાની સમસ્યા મોટી ઉંમરના લોકો કરતા બાળકોમાં વધારો જોવા મળે છે. જૂથી છૂટાકારો મેળવવા માટે કેમિક્લ્સ વાળા શેમ્પૂનો ઉપયોગ ના કરવો હોય તો લીંબોળીનુ તેલ માથામાં નાખો. આખી રાત તેલ નાખી રાખ્યા પછી સ્વારે વાળ ધોશો ત્યારે જૂ નીકળવા લાગશે.
તમારા વાળમાં સ્પ્લીટ એન્ડ્સ (બે મોઢાવાળા વાળ)ની સમસ્યા હોય તો લીંબોળીનું તેલ લગાવો. આ તેલથી મૂળમાંથી તમારા વાળને મજબૂતી મળશે. અઠવાડિયામાં 2 વખત ઓછામાં ઓછા 1 કલાક માટે વાળમાં લીંબોળીનુ તેલ લાગવો ધીમે ધીમે સ્પીલ્ટ એન્ડ્સ ઓછા થઇ જાય છે.
સામાન્ય રીતે બ્લેકહેડ્સ દૂર કરવા માટે પાર્લરમાં જઈને ક્લિન અપ કરાવીએ છીએ. પરંતુ જો તમારે ક્લિન અપનો ખર્ચ ન કરવો હોય તો ઘરે જ બ્લેકહેડ્સથી છૂટકારો મેળવો. લીંબોળીના તેલમાં પાણી ઉમેરીને આ મિશ્રણ ચહેરા પર લગાવો. એક મહિના સુધી આ પ્રયોગ કરો તમને ફરક જણાશે.
લીમડામાં એન્ટી બેક્ટેરિયલ ગુણો રહેલા છે. આ જ કારણ છે કે લીંબોળીનું તેલ ડાઘા મટડાવામાં ઘાના ડાઘ દૂર કરવામાં ખંજવાળમાં રાહત આપે છે. લીંબોળીના તેલમાં રહેલુ ફેટી એસિડ સ્કીન ઈન્ફેક્શન સામે લડવામાં મદદરૂપ છે.
મેલેનિનનું વધુ પડતું ઉત્પાદન થવાથી સ્કીનમાં પિગ્મનેટશન થાય છે. આનાથી છૂટકારો મેળવવા રૂનું પૂમળું લઇને લીંબોળીના તેલમાં ડૂબાડો અને જ્યાં પિગ્મનેટશન હોય તે ભાગ પર લગાવો. લીંબોળીના તેલથી મેલિનિનનું ઉત્પાદન ઘટે છે. એક મહિના સુધી આ પ્રયોગ કરવાથી ફરક લાગશે.
તડકામાં વધુ સમય સુધી રહેવાથી સ્કીનને નુકસાન થાય છે અને ચામડીમાં કોલાજનનું ઉત્પાદન ખોરવાય છે જેના કારણે ચહેરા પર ડાધ-ધબ્બા અને કરચલીઓ દેખાવવા લાગે છે. એટલે કે બહાર જતી વખતે કેમિકલયુક્ત સનસ્ક્રીનનો ઉપયોગ કરતા લીંબોળીનું તેલ લગાવો. સ્કીનની નીચે રહેલા કોલાજન લેયર રિપેર કરવામાં લીંબોળીના તેલમાં રહેલા ફેટી એસિડ અને એન્ટી ઓક્સિડન્ટ્સ મદદ કરશે.
ડેન્ડ્રફની સમસ્યા હોય તો લીંબોળીનું તેલ એકદમ અસરકારક છે. કેમિકલયુક્ત એન્ટી-ડેન્ડ્રફ શેમ્પૂનો ઉપયોગ કરવાને બદલે સ્કાલ્પમાં લીંબોળીનું તેલ લગાવો. બાદમાં પાણીથી માથું ધોઈ લો. માથું ધોયા પછી વાળમાં નારિયેળનું તેલ લગાવો.
પેટ સંબંધી પરેશાનીઓમાં રાહત મેળવવા માટે લીમડાનો ઉપયોગ કરો. પેટના બેક્ટેરિયનાનો નાશ કરવા લીમડાના પાનમાં રસમાં મધ અને મરી પાઉડર ભેળવીને સેવન કરો. આ સિવાય ઝાડા થયા હોય તો લીમડાના પાન સૂકવીનો ખાંડ મેળવીને ખાવાથી રાહત થશે.
એક્ઝિમાના કારણે ત્વચા પર સોજો અને ખંજવાળ આવે છે. ત્યારે લીંબોળીનું તેલ રાહત આપે છે. લીંબોળીનું તેલ ડ્રાય અને ક્ષતિગ્રસ્ત ત્વચાની સારવારમાં મદદરૂપ થાય છે.
લીંબોળીના તેલમાં પાણી ઉમેરીને મચ્છર હોય તે જગ્યાએ સ્પ્રે કરો. આ ગંધ મચ્છરોને દૂર ભગાડશે. મચ્છર સિવાય અન્ય જીવાણુઓને ભગાડવા માટે પણ લીંબોળીનું તેલ કારગત છે.
લીંબોળીનું તેલ અને વાસણ ધોવા માટે વપરાતા લિક્વિડને સરખી માત્રમાં લઇને સ્પ્રે બોટલમાં ભરો. તમારા ઘરમાં રહેલા છોડના પાંદડા પર છંટકાવ કરવાથી તેમાં થતી જીવાત નાશ પામશે.
ગાલીચા અને ગાદલાની સફાઈ માટે લીંબોળીનું તેલ ઉપયોગી છે. જાણીને નવાઇ લાગશે પરંતુ આ સાચું છે. ગાલીચા સાફ કરવા માટે ઉપયોગમાં લેવાતા લિક્વિડમાં લીબોળીનું તેલ ઉમેરો. લીંબોળીના તેલનો ગાદલા પર છંટકાવ કરો એટલે તેમાંથી બધા જ બેક્ટેરિયા ધૂળનો નાશ થશે.