ઉંમર વધે એટલે તેની સૌથી પહેલાં તેની અસર ચહેરા પર જોવા મળે છે. જેમાં આંખો નીચે કાળા કુંડાળા, ચહેરા પર આંખોની આસપાસ કરચલીઓ દેખાવા લાગે છે. ચહેરા અને આંખોની કરચલીઓ દૂર કરવા માટે મોંઘા પ્રોડક્ટ્સનો ઉપયોગ કરવા કરતાં ઘરે જ એક ઈફેક્ટિવ સીરમ બનાવીને લગાવી શકો છો. આ સીરમ સ્કિન ટાઈટ કરવાની સાથે સોફ્ટ, શાઈની અને સુંદર પણ બનાવશે. ચાલો જાણીએ.
ઘરે જ આ વસ્તુઓથી બનાવો સીરમ
ઉંમર વધવાની સાથે આંખની આસપાસ કરચલીઓ થતી રોકશે
ચહેરા પર લગાવશો તો મળશે આ ફાયદા
સીરમ બનાવવા માટેની સામગ્રી
2 ચમચી નારિયેળ તેલ
3 ચમચી કપૂરનું તેલ
1 વિટામિન ઈની કેપ્સૂલ
આ રીતે બનાવો સીરમ
સૌથી પહેલાં 1 વાટકીમાં લઈ તેમાં વિટામિન ઈની કેપ્સૂલમાંથી તેલ કાઢો. પછી તેમાં નારિયેળ તેલ અને કપૂરનું તેલ મિક્સ કરો. આ મિશ્રણને કોઈ ડ્રોપર કે ઈન્જેક્શનની મદદથી નાની શીશીમાં ભરી લો. હવે તેને ફ્રિઝમાં રાખીને લાંબો સમય સુધી સ્ટોર કરી શકો છો.
સ્કિનને ટાઈટ રાખે છે આ સીરમ
રાતે સૂતા પહેલાં આ સીરમને ચહેરા અને આંખની આસપાસ કરચલીઓવાળા ભાગ પર લગાવી હળવા હાથે મસાજ કરો. ત્યારબાદ તેને આખી રાત રહેવા દો. સવારે ઉઠીને સાદા પાણીથી ફેસવોશ કરી લો. રોજ 1 સપ્તાહ સુધી આ સીરમ લગાવવાથી તમને ફરક દેખાવા લાગશે.
આ રીતે છે ફાયદાકારક
આ સીરમ બનાવવા માટે નારિયેળ તેલનો પ્રયોગ કરવામાં આવ્યો છે. તે સ્કિન માટે બહુ જ લાભકારી હોય છે. તે સ્કિનને લાંબો સમય સુધી હાઈડ્રેટ રાખે છે. કપૂરનું તેલ નેચરલ એન્ટીસેપ્ટિકનું કામ કરે છે જેથી કરચલીઓ પડતી નથી. સાથે વિટામિન ઈ ડેડ સ્કિન સેલ્સને દૂર કરે છે અને સ્કિન પર શાઈન વધે છે અને નિખાર પણ આવે છે.