ઠંડીના દિવસોમાં ખાવા પીવા માટે ઢગલો શાકભાજી અને લીલી ભાજીઓ હોય છે. આ સીઝનમાં સૌથી ખાસ છે લીલા પાંદડાવાળા શાકભાજી. તેમાંથી કેટલાક શાક તો આખુ વર્ષ મળે છે, પરંતુ કેટલીક ભાજીઓ એવી છે જે માત્ર ઠંડીની સીઝનમાં જ મળે છે. આ સીઝનમાં જો આ 5 શાક તમે તમારા ડાયેટમાં સામેલ કરશો તો ગજબ ફાયદા થશે.
લીલા શાકભાજી ના ફાયદા
ઠંડી સામે રક્ષણ
આરોગ્ય સાથે જોડાયેલા ફાયદા
આ બધી ભાજીઓ એનર્જી આપશે તેથી ઠંડી સામે પણ રક્ષણ મળશે.
મેથી
મેથીમાંથી તમને પ્રોટીન, આયરન, ફાઇબર, કેલ્શિયમ, પોટેશિયમ, વિટામીન સી, નિયાસિન ઉપરાંત મેગ્નેશિયમ, સોડિયમ, ફોલિક એસિડ, કોપર, ઝિંક વગેરે પોષકતત્વો ભરપુર માત્રામાં મળે છે. તેનાથી તમે હાઇ બ્લડ પ્રેશર, ડાયાબીટીસ અને અપચો તેમજ પેટની સમસ્યાઓમાંથી બચી શકો છો. મેથી ખાવાથી તમે સુંદરતા અને આરોગ્ય સાથે જોડાયેલા અઢળક ફાયદા મેળવશો.
બથુઆની ભાજી
તેમાં વિટામીન એ, કેલ્શિયમ, ફોસ્ફરસ અને પોટેશિયમ મુખ્ય રીતે હાજર છે. સાથે અનેક પોષકતત્વોની ભરમાર હોય છે. તેને નિયમિત રીકે ખાવાથી તમે ઘણા રોગોને મુળમાંથી ખતમ કરી શકો છો. ખાસ કરીને તે ગેસ, પેટમાં દુખઆવો, કબજિયાત અને પથરીમાં ફાયદાકારક છે.
સરસો
સરસોનું શાક ઠંડીમા ગજબના ફાયદા અને સ્વાદ આપે છે. તેમાં કાર્બોહાઇડ્રેડ, પોટેશિયમ, ફેટ, શુગર, ફાઇબર, આયરન, વિટામીન એ, સી, ડી, બી12, મેગ્નેશિયમ અને કેલ્શિયમ સાથે એન્ટીઓક્સિડન્ટની માત્રા પણ ભરપુર હોય છે. તે તમારી રોગપ્રતિકારક શક્તિ વધારવાની સાથે પાચનક્રિયાને બહેતર બનાવે છે અને કોલેસ્ટ્રોલને ઘટાડે છે.
લીલા ચણા
લીલા ચણા તમને માત્ર આજ સીઝનમાં મળે છે. તે પૌષ્ટિક અને સ્વાદિષ્ટ પણ હોય છે. તે તમને પ્રોટીન, ફાઇબર, કાર્બોહાઇડ્રેડ, કેલ્શિયમ, આયરન અને વિટામીન જેવા પોષકતત્વો આપે છે. તે કબજિયાત, ડાયાબીટીસ, કમળો જેવી તકલીફોમાં ફાયદાકારક છે.
ચોલાઇની ભાજી
તેમાં આયરન, પ્રોટીન, કેલ્શિયમ, કાર્બોહાઇડ્રેડ, વિટામીન-એ, મિનરલ વગેરે પ્રચુર માત્રામાં હોય છે. તેને ડાયેટમાં સામેલ કરીને તમે વિટામીનની કમીને દુર કરી શકો છો. કફ, પિત્ત વિકારને દુર કરીને તે પેટની અને કબજિયાતની સમસ્યાઓમાં ઉપયોગી થાય છે. તે ત્વચા અને રક્ત સંબંધિત સમસ્યાઓમાં પણ ફાયદાકારક છે.