તમારા કામનું / આજથી જ ખાવાનું શરૂ કરી દો આ સૂપર ફ્રૂટ, પેટની તકલીફ સહિત જીવલેણ બીમારીઓથી મળશે મુક્તિ

• ડ્રેગન ફ્રૂટ પોષક તત્વોથી હોય છે ભરપૂર
• હૃદયના દર્દીઓ માટે ડ્રેગન ફ્રૂટ ખૂબ જ ઉપયોગી
• પેટની બીમારીથી તાત્કાલિક મળે છે છૂટકારો 

તે ઊર્જાથી ભરપૂર ખોરાક છે. એક ડ્રેગન ફ્રૂટમાં ૧૦૨ કેલરી એનર્જી હોય છે. તે કાર્બોહાઇડ્રેટ્સનો ઉત્તમ સ્ત્રોત છે. એક ડ્રેગન ફળમાં ૨૨ ગ્રામ કાર્બોહાઈડ્રેટ હોય છે.આ ઉપરાંત ૧૩ ગ્રામ ખાંડ પણ હોય છે. 

હૃદયના દર્દીઓ માટે ડ્રેગન ફ્રૂટ ખૂબ જ ઉપયોગી

સૌથી સારી વાત એ છે કે ડ્રેગન ફ્રૂટમાં ફેટ નથી હોતો. તેથી હૃદયના દર્દીઓ માટે ડ્રેગન ફ્રૂટ ખૂબ જ ઉપયોગી છે. ડ્રેગન ફ્રૂટના બીજા પણ ખૂબ જ ફાયદા છે. ડ્રેગન ફ્રૂટ પાચનતંત્રને સૌથી મજબૂત બનાવે છે. તેના બીજમાં ઓમેગા-3 અને ઓમેગા-૯ ફેટી એસિડ જોવા મળે છે, જે હૃદયના કોષોને મજબૂત બનાવે છે. 

એન્ટી-એજિંગ ફ્રૂટ

ડ્રેગન ફ્રૂટમાં ફ્લેવોનોઈડ્સ, ફેનોલિક એસિડ અને બીટાસાયનિન જેવા એન્ટીઓક્સિડેન્ટ જોવા મળે છે, જે વધતી ઉંમરની અસરને ઘટાડે છે. તે ફ્રી રેડિકલ દ્વારા થતા કોષોના નુકસાનને અટકાવે છે. ફ્રી રેડિકલ્સને લીધે પ્રિમેચ્યોર એજિંગ અને કેન્સર સુધીની બીમારી થઈ શકે છે.

પેટમાં હેલ્ધી બેક્ટેરિયાને પોષણ આપે છે

ડ્રેગન ફ્રૂટમાં પ્રીબાયોટિક ગુણ હોય છે. આંતરડામાં રહેલા સારા બેક્ટેરિયા જેને પ્રોબાયોટિક પણ કહે છે, તેને પોષણ પૂરું પાડે છે. એટલે કે હેલ્ધી બેક્ટેરિયા માટે ડ્રેગન ફ્રૂટ ભોજનનું કામ કરે છે. જો આંતરડામાં હેલ્ધી બેક્ટેરિયાની સંખ્યા ખૂબ વધારે હોય, તો પાચનતંત્ર ખૂબ જ બૂસ્ટ રહે છે. પ્રીબાયોટિકને લીધે સારા બેક્ટેરિયા વધે છે અને ખરાબ બેક્ટેરિયાનો ખાત્મો થાય છે. જો ગુડ બેક્ટેરિયા મજબૂત હોય તો પેટમાં રોગ માટે જવાબદાર વાઈરસ પણ રહી શકતા નથી.

બ્લડ શુગર લો કરવામાં મદદગાર

ડ્રેગન ફ્રૂટ બ્લડ શુગર ઘટાડવામાં મદદરૂપ છે. સંશોધકોના મતે, ડ્રેગન ફ્રૂટમાં હાજર એન્ટીઓક્સિડેન્ટ્સ સ્વાદુપિંડના ક્ષતિગ્રસ્ત કોષોને રિપેર કરે છે. જો સ્વાદુપિંડ સ્વસ્થ છે, તો હોર્મોન ઇન્સ્યુલિન પણ યોગ્ય રીતે બને છે. ઇન્સ્યુલિન લોહીમાં રહેલી શુગરને તોડીને તેને ઊર્જામાં ફેરવે છે. જો ઇન્સ્યુલિન ઓછું હોય તો શુગરની બીમારી થાય છે.

રોગપ્રતિકારક શક્તિ વધારે છે

ડ્રેગન ફ્રૂટમાં રોગપ્રતિકારક શક્તિ વધારવાનો ગુણ હોય છે. કારણ કે તેમાં પૂરતી માત્રામાં વિટામિન-સી અને ઘણા પ્રકારના એન્ટીઓક્સિડેન્ટ હોય છે. શિયાળામાં ડ્રેગનફ્રૂટનું સેવન કરવાથી વિશેષ લાભ મળે છે.

કોલેસ્ટ્રોલ ઘટાડે છે

ડ્રેગન ફ્રૂટમાં ચરબી બિલકુલ હોતી નથી. તેથી તે શરીરમાં કોલેસ્ટ્રોલની માત્રાને નિયંત્રિત કરે છે. ડ્રેગન ફ્રૂટનું સેવન વજનને નિયંત્રિત કરવા માટે કરવામાં આવે છે.