મીઠાઈ અને શાકની ગ્રેવીને સ્વાદિષ્ટ બનાવવા માટે કાજુનો વ્યાપક ઉપયોગ કરવામાં આવે છે.
કાજુના ફાયદા જાણી તમને નવાઇ લાગશે
કાજુનું નિયમિત સેવન તમને હેલ્ધી રાખશે
કાજુ તમારું પાચનતંત્ર સારું બનાવે છે
ખૂબ ઓછા લોકો તેનું નિયમિત સેવન કરે છે. સૂકા મેવાનો રાજા કહેવાતા કાજુ તમારા સ્વાસ્થ્ય માટે અનેક રીતે ફાયદાકારક છે. કાજુ પોષકતત્ત્વોનું પાવર હાઉસ માનવામાં આવે છે, તેમાં અનેક વિટામિન્સ અને મિનરલ્સ હોય છે. કાજુને ઊર્જાનો સારો સ્રોત માનવામાં આવે છે. તે ખાવાથી આરોગ્યને નુકસાન થતું નથી, પરંતુ વધુ પ્રમાણમાં તેનું સેવન ન કરવું જોઈએ.
પાચન
કાજુમાં રહેલા એિન્ટઓિક્સડેન્ટ પાચનને મજબૂત બનાવે છે તેમજ વજનને સંતુલિત કરે છે. કાજુ ખાવાથી ગેસ અને કબજિયાતની સમસ્યાથી રાહત થઈ શકે છે. કાજુને પાચન માટે એકદમ ફાયદાકારક માનવામાં આવે છે.
ડાયાબિટીસ
હાલ અનિયમિત આહાર અને બિનઆરોગ્યપ્રદ જીવનશૈલીના કારણે લોકો ડાયાબિટીસથી પીડાઈ રહ્યા છે. ડાયાબિટીસના દર્દીઓને હાર્ટએટેક, કિડની ફેલ થવા, મલ્ટિપલ ઓર્ગન ફેલિંગ અને બ્રેઇન સ્ટ્રોક જેવી અન્ય ગંભીર અને જીવલેણ સમસ્યાઓની બીક હોય છે. ડાયાબિટીસના દર્દીઓ માટે કાજુનું સેવન કરવું ખૂબ ફાયદાકારક છે. કાજુમાં રહેલાં પોષકતત્ત્વો લોહીમાં ગ્લુકોઝ ઓછું કરવામાં મદદ કરે છે.
હૃદય
દરરોજ ત્રણથી ચાર કાજુ ખાવાથી કોલેસ્ટ્રોલના સ્તરને નિયંત્રિત કરી શકાય છે. મર્યાદિત પ્રમાણમાં કાજુ ખાવા વધુ સારું છે. કાજુ લો ડેિન્સટી લિપોપ્રોટીનને ઘટાડવામાં મદદ કરે છે અને હાઈ ડેિન્સટી લિપોપ્રોટીનમાં વધારો કરી શકે છે.
વજન ઘટાડવા
કાજુમાં રહેલા મેગ્નેશિયમ અને ફાઇબર શરીરમાં ચરબી અને કાર્બોહાઇડ્રેટનું મેટાબોલિઝમ વધારે છે, જે વજન ઘટાડવામાં મદદ કરે છે.
ત્વચા
કાજુમાંથી કાઢવામાં આવેલ તેલ ત્વચા માટે ફાયદાકારક સાબિત થઈ શકે છે. કાજુના તેલમાં ઝિંક, મેગ્નેશિયમ, આયર્ન, સેલેનિયમ અને ફોસ્ફરસ ભરપૂર હોય છે. તે ત્વચાની કરચલીઓને દૂર કરવામાં પણ મદદ કરી શકે છે.
હાડકાં
કાજુમાં ભરપૂર કેલ્શિયમ હોય છે. તે હાડકાંને મજબૂત બનાવવામાં મદદ કરે છે, જેથી સુપરફૂડ ગણાતા કાજુને લોકો તેમના આહારમાં સામેલ કરી શકે છે
આંખો
કાજુનું સેવન કરીને આંખની દૃષ્ટિ વધારી શકાય છે. કાજુમાં લ્યુટિન અને અન્ય મહત્ત્વપૂર્ણ એન્ટિઓક્સિડેન્ટ્સ ઉચ્ચ પ્રમાણમાં હોય છે, જે આંખો માટે ખૂબ ફાયદાકારક છે.