દુનિયાભરમાં ચાના શોખીનોની કોઇ કમી નથી. ચાના અલગ અલગ સ્વાદ અને પ્રકાર પોતપોતાના ફાયદા માટે જાણીતા છે, પરંતુ શું તમે જાણો છો કે કાળી ચા તમારા માટે ખુબ ફાયદાકારક છે. કાળી ચા એટલે કે બ્લેક ટી પીવાથી ઘણા લાભ થાય છે.
હ્રદય
બ્લેક ટી હ્રદયને સ્વસ્થ રાખવા માટે ખુબ મહત્ત્વની છે. રોજ એક કપ બ્લેક ટી હ્રદયના સ્વાસ્થ્યને જાળવી રાખવામાં તમારી મદદ કરશે. તેમાં રહેલા ફ્લેવેનોયડ્સ એલડીએલ કોલેસ્ટ્રોલને ઘટાડે છે. આ ઉપરાંત બ્લેક ટીનો પ્રયોગ હ્રદયની ધમનીઓને સ્વસ્થ રાખવામાં પણ મદદ કરે છે. તે લોહી જામવાની પ્રક્રિયાને ઘટાડવામાં પણ સહાયક છે.
કેન્સર
બ્લેક ટી રોજ તમારા ડાયેટમાં સામેલ કરીને તમે પ્રોસ્ટેટ, ઓવેરિયન અને ફેફસાંના કેન્સરથી બચી શકો છો. બ્લેક ટીનો પ્રયોગ શરીરમાં કેન્સર કોશિકાઓને ખતમ કરવામાં મદદ કરે છે. તે મહિલાઓમાં બ્રેસ્ટ કેન્સરની શક્યતાઓને રોકે છે. સાથે સાથે મોંના કેન્સરથી પણ બચાવે છે.
મગજ
મગજની કોશિકાઓને સ્વસ્થ રાખવાની સાથે તેમાં લોહીના પ્રવાહને વધુ બહેતર બનાવવા માટે પણ બ્લેક ટી પીવી ખુબ ઉપયોગી છે. દિવસમાં લગભગ ચાર કપ બ્લેક ટીનું સેવન તણાવને ઘટાડવામાં સહાયક છે. તે મગજને તેજ કરીને તમારી યાદશક્તિ વધારે છે. જેથી તમે પહેલા કરતા વધુ સતર્ક અને સક્રિય થઇ જાવ છો.
પાચન
બ્લેક ટીમાં રહેલું ટેનિન પાચન માટે ખુબ ફાયદાકારક છે. તે ગેસ ઉપરાંત પાચન સંબંધિત સમસ્યાઓમા પણ લાભદાયક છે. સાથે સાથે ઝાડા કે કબજિયાત જેવી તકલીફોમાં પણ બ્લેક ટીનું સેવન ખુબ ફાયદાકારક છે.
એનર્જી
રોજ બ્લેક ટી પીવાથી એક બેસ્ટ ફાયદો એ થાય છે કે, તમે એનર્જીથી ભરપુર રહો છો. તમે તમારામાં વધુ ઉર્જા અનુભવો છો અને સક્રિય રહો છો. બ્લેક ટીમાં રહેલુ કેફીન, કોફી કે કોલાની સરખામણીમાં વધુ ફાયદાકારક હોય છે. તે તમારા મગજને સતર્ક રાખે છે. તેનાથી શરીરમાં ઉર્જાનો સંચાર નિરંતર થતો રહે છે.
કોલેસ્ટ્રોલ
બ્લેક ટી તમારા શરીરમાં કોલેસ્ટ્રોલના સ્તરમાં ઘટાડો કરે છે. તેનાથી તમારુ વજન ધીમે ધીમે ઘટવા લાગે છે. આ ઉપરાંત તેમાં ફેટ બહુ ઓછી માત્રામાં હોય છે, તેથી મેદસ્વીતા વધતી નથી. તે તમારા શરીરમાં મેટાબોલિક પ્રક્રિયાને વધારવામાં સહાયક છે.
ત્વચા
બ્લેક ટી પીવાથી તમને ત્વચા સંબંધિત સમસ્યાઓ ખાસ કરીને ઇન્ફેક્શનથી બચાવવામાં મદદ કરે છે. આ ઉપરાંત ત્વચા પર કરચલીઓ પડતી નથી. તેમાં રહેલા એન્ટીઓક્સિડન્ટ ત્વચાના કેન્સરથી પણ તમારુ રક્ષણ કરે છે.