recipe / આ છે બાજરીની રોટલી બનાવવાની યોગ્ય રીત, બ્રેકફાસ્ટમાં ખાઈ લેશો તો મળશે અઢળક ફાયદા

• ઘરે બ્રેકફાસ્ટમાં બનાવો બાજરીની રોટલી
• મળશે આ અઢળક ફાયદા
• જાણી લો બનાવવાની સાચી રીત

સામગ્રી

• બાજરીનો લોટ
• ગરમ પાણી
• મીઠું 
• ઘી

 
રીત

સૌ પહેલા બાજરીનો લોટ લો અને તેમાં મીઠું ઉમેરી લો. હવે તેમાં થોડું થોડું ગરમ પાણી મિક્સ કરતા જાઓ અને લોટ બાંધો. આ લોટ નરમ રહેશે એક જ વારે એક જ રોટલાનો લોટ બાંધો. 
હવે લોટમાંથી નાના નાના લૂઆ લેતા રહો અને તેને હથેળીની વચ્ચે રાખીને હાથની મદદથી રોટલી બનાવો. રોટલી ધીરે ધીરે બનાવશો તો તે તૂટશે નહીં. .તમે તેને ઇચ્છો તે સાઈઝમાં બનાવી શકો છો. તેને ગરમ તવા પર નાંખો અને બંને બાજુ ધીરી આંચે શેકો. આ પછી તમે તેને ઘી લગાવીને સર્વ કરો.  તમે આ રોટલીને અડદની દાળ સાથે પણ સર્વ કરી શકો છો. આ સિવાય માખણ સાથે કે પછી ગોળ સાથે આ ગરમાગરમ બાજરીની રોટલી અનેક મોટા ફાયદા આપે છે.  
 

જાણો બાજરીની રોટલી ખાવાના ફાયદા પણ

બાજરી ગ્લૂટેન ફ્રી હોય છે. તેનાથી શરીરને અનેક ફાયદા મળે છે. અનેક વાર એવું જોવા મળે છે કે ગ્લૂટેન યુક્ત ભોજન ખાવાથી પાચનમાં તકલીફ રહે છે. ગ્લૂટેન ફ્રી ખોરાક પસંદ કરનારા માટે બાજરી મહત્વની છે. ફાઈબરથી ભરપૂર હોવાના કારણે તે પાચન ક્રિયાને સારી રાખે છે અને કબજિયાતની સમસ્યાથી રાહત આપે છે. જેમને ડાયાબિટીસની સમસ્યા છે તેમને માટે તે મદદરૂપ રહે છે. જેઓ વધારે વજનથી પરેશાન છે તેઓએ ડાયટમાં આ બાજરીની રોટલી સામેલ કરી. તેમાં રહેલું ફાઈબર તમને જલ્દી ભૂખ લાગવા દેતું નથી.