હેલ્થ / અનેક પ્રકારનાં પોષક તત્ત્વથી ભરપૂર છે એવોકાડોઃ નિયમિત સેવન કરો

• એવોકાડોના અઢળક ફાયદા
• એવોકાડો એક હેલ્ધી ફળ છે
• નીરોગી રહેવામાં મદદ કરે છે

અનેક પ્રકારનાં પોષક તત્ત્વ પ્રદાન કરતું આ ફળ મહત્વપૂર્ણ વિટામિન અને ખનીજ તત્વોથી ભરપૂર છે. આ ફળ તમારી પાચન પ્રક્રિયા સુધારે છે, વજન ઓછું કરવામાં મદદરૂપ થાય છે અને કૉલસ્ટ્રોલનું સ્તર ઘટાડીને તમને સંપૂર્ણરૂપે સ્વસ્થ રાખે છે. આ ફળ દ્વારા તમે સલાડ પણ બનાવી શકો છો. જો તમે આ પોષકતત્વોથી ભરપૂર એવોકાડોનું નિયમિતરૂપે સેવન કરો છો તો તમને તેના ફાયદા જોવા મળશે.

અલગ અલગ રીતે તમારા નિયમિત આહારમાં એવોકાડો ઉમેરી શકો છો. એવોકાડોના નાના નાના ટુકડા કરીને તેમાં જેતુનનું તેલ, મીઠું, મરી અને બોલ્સમિક સિરકા નાખીને તેનું સેવન કરી શકો છો. 

જો તમને ઈંડાંની ભુર્જીને એક અલગ અને નવા સ્વાદ સાથે ખાવા ઈચ્છો છો, તો તમે એવોકાડો સાથે આ અલગ સ્વાદનો આનંદ લઈ શકો છો. ઈંડાં આંશિક રીતે ચડી ગયા બાદ એવોકાડો ગરમ થાય ત્યાં સુધી તેને ચડવા દો. હવે એક અલગ સ્વાદ તૈયાર છે તમે આ સ્ક્રેમ્બલ્ડ એગનું સેવન કરી શકો છો.

તમે ટોસ્ટમાં માખણ અને જામની જગ્યા પર બ્રેડ તથા રોટલી પર એવોકાડો લગાવીને તેનું સેવન કરી શકો છો. ક્રશ્ડ એવોકાડોમાં મરચું અને ટામેટું ઉમેરીને તેની ગ્રેવી તૈયાર કરીને તમે રોટલી પર તથા બ્રેડ પર લગાવીને તેનું નાશ્તારૂપે સેવન કરી શકો છો.

એવોકાડો તમારા સલાડને વધુ સ્વાદિષ્ટ બનાવે છે. જેના દ્વારા તમે તમારુ મનપસંદ સલાડ બનાવી શકો છો. એવોકાડો ફાઈબરથી ભરપૂર હોય છે, જે તમારી ભૂખને નિયંત્રિત કરે છે અને તમારી કેલરીમાં ઘટાડો કરે છે. તમે સલાડમાં ઈંડાં, ચિકન અને માછલી પણ ઉમેરી શકો છો.

તમે તમારા મનપસંદ સૂપમાં પણ એવોકાડો ઉમેરીને સૂપ બનાવી શકો છો. ઈન્ટરનેટ પર એવોકાડોની મદદથી સૂપ બનાવવાની અનેક રેસિપીઝ ઉપલબ્ધ છે. ભોજન કરતાં પહેલાં આ સ્વાદિષ્ટ સૂપનું અચૂક સેવન કરો.