ઉપાય / શરદી, જામેલો કફ, સોજા, બોડી પેઈન સહિત અનેક તકલીફોને ચપટીમાં મટાડી દેશે આ રસ, નોંધી લો ઉપચાર

• સ્વાસ્થ્ય માટેની શ્રેષ્ઠ ઔષધી છે આદુનો રસ
• તેના ઉપાયો કરશો તો બીમારીઓ રહેશે દૂર
• અનેક તકલીફોમાં રામબાણ છે આ ઔષધી

આદુમાં રહેલું જિંજેરોલ હેલ્થ માટે ખૂબ જ અક્સીર માનવામાં આવે છે. આ સિવાય આદુના રસનો ઉપયોગ તેનાથી પણ વધારે ફાયદાકારક છે અને ઝડપથી અસર કરે છે. સાથે જ આદુના રસમાં મધ અને અન્ય કેટલીક વસ્તુઓ મિક્સ કરીને પ્રયોગ કરવાથી શ્વસન, યૂરિન, સોજા, બોડી પેઈન, કફ વગેરે જેવી તકલીફોમાં ફાયદો થાય છે. 

આદુના રસના કારગર ઉપાયો

• આદુનો રસ અને કપૂર- આદુના રસમાં કપૂર મિક્સ કરી લેપ તૈયાર કરો. આ લેપને દુખાવાવાળા ભાગે લગાવો. તરત આરામ મળશે.
• આદુ-તુલસીનો રસ- 1 કપ ગરમ પાણીમાં 1 ચમચી આદુનો રસ, 10-15 તુલસીના પાનનો રસ, 1 ચમચી લીંબુનો રસ અને 1 ચમચી મધ મિક્સ કરીને પીવો.
• આદુ-ફુદીનાનો રસ- 1-1 ચમચી આદુ અને ફુદીનાનો રસ લો અને તેમાં ચપટી સિંધાલૂણ મીઠું નાખીને પીવો. પેટ દર્દ દૂર થશે.
• આદુનો રસ અને સાકર- 2 ચમચી આદુના રસમાં 1 ટુકડો સાકર મિક્સ કરી સવાર-સાંજ લેવાથી યૂરિન પ્રોબ્લેમ્સમાં લાભ થાય છે.
• આદુનો રસ અને ગોળ- 2-3 ચમચી આદુના રસમાં થોડો ગોળ મિક્સ કરીને રોજ સવારે પીવાથી સોજાની તકલીફ દૂર થાય છે.
• આદુનો રસ અને તલનું તેલ- 1 કપ આદુના રસમાં અડધો કપ તલનું તેલ મિક્સ કરી ગરમ કરો. પછી તેને લગાવવાથી દર્દ ઝટથી ગાયબ થશે.
• આદુનો રસ અને નવશેકું પાણી- 1 ચમચી આદુના રસને અડધો કપ નવશેકા પાણીમાં મિક્સ કરીને પીવાથી ફાયદો થાય છે.
• આદુ-લીંબુનો રસ- 4 ચમચી આદુનો રસ, 4 ચમચી મધ, 2 ચમચી લીંબુનો રસ 1 કપ નવશેકા પાણીમાં મિક્સ કરીને પીવાથી લાભ થશે.
• આદુનો રસ અને મધ- 2 ચમચી આદુના રસમાં 2 ચમચી મધ મિક્સ કરીને રોજ સવારે ખાલી પેટ પીવાથી લોહી સાફ થાય છે.