ડિલીવરી પછી મહિલાઓના શરીરમાં અનેક બદલાવ આવતા હોય છે જેના કારણે તેમને ઘણી મુશ્કેલીઓનો સામનો કરવો પડે છે. આ મુશ્કેલીઓને દુર કરવા માટે તમે અજમાના પાણીનું સેવન કરી શકો છો.
ડિલીવરી બાદ ખાસ પીજો આ પાણી
અજમાના પાણીના છે અઢળક ફાયદા
કેવી રીતે બનાવશો અજમાનું પાણી
અજમાના પાણીના ફાયદા
પ્રેગનેન્સી દરમિયાન અને ડિલીવરી બાદ મહિલાઓના શરીરમાં કેટલાક બદલાવ આવે છે. જેના કારણે તેમને કેટલીક મુશ્કેલીઓનો સામનો કરવો પડે છે. તેથી જ તેમના સ્વાસ્થ્યનું ડિલીવરી બાદ પણ ઘ્યાન રાખવું જરૂરી છે. તેમની આ મુશ્કલીઓને દૂર કરવા માટે તમે અજમાનાં પાણીનો ઉપયોગ કરી શકો છો.
અજમાના પાણીમાં મોટી માત્રામાં એન્ટી-ઑક્સિડેન્ટ તત્ત્વ હોય છે જે મહિલાઓની ઘણી મુશ્કેલીઓને ઘટાડવામાં ઉત્તમ કામ કરે છે.
ગૅસ-અપચાથી રાહત
ડિલીવરી બાદ મોટાભાગની મહિલાઓ ગૅસ અને અપચાં જેવી પેટ સંબંધી સમસ્યાઓ રહેતી હોય છે. આ સમસ્યાને દુર કરવા માટે તમે અજમાંના પાણીનું સેવન કરી શકો છો. પેટ સંબંધિત મુશ્કેલીઓ સાથે પેટની સફાઇ અને શરીરને ગરમી આપવાનું કામ પણ કરે છે.
વજન કંટ્રોલ કરવામાં મદદરૂપ
ડિલીવરી પછી મોટાભાગની મહિલાઓનું વજન વધી જાય છે. જેને ઘટાડવા માટે ખુબ મહેનત કરવી પડે છે. અજમાના પાણીનું સેવન કરવાથી મેટાબોલિઝમ મજબૂત થાય છે જેના લીધે વજન ઘટી શકે છે.
શરીરના દુ:ખાવામાંથી મુક્તિ
ડિલીવરી પછીથી મહિલાઓને શરીરમાં કળતર થાય છે અને દુઃખાવો થાય છે. પીરિયડ્સના સમયે મહિલાઓને કમર અને પેટના નીચલા ભાગમાં પીડા થાય છે. આ તમામ સમસ્યાઓને દુર કરવા અજમાનું પાણી પીવું જોઇએ.
અજમાનું પાણી કેવી રીતે તૈયાર કરવું
અજમાનું પાણી બનાવવા માટે, એક વાસણમાં બે ગ્લાસ પાણી ઉકળવા માટે મૂકો. ત્યારબાદ આ પાણીમાં એક મોટી ચમચી અજમાનાં દાણા નાખો અને પાણીને પાંચ મિનિટ સુધી ઉકળવા દો. હવે આ પાણીને એક વાસણમાં ફિલ્ટર કરો અને તે હૂંફાળા પાણીને થોડાં થોડાં સમય પર પીતા રહેવું.