VIDEO / બેન સ્ટૉકસે વર્લ્ડકપ ફાઇનલની હાર યાદ અપાવી દીધી, ફરી હાથ ઊંચા કરી દીધા, ગ્રાઉન્ડ પર હાજર તમામ હસી પડ્યા

• ઇંગ્લેન્ડ અને ન્યુઝીલેન્ડ વચ્ચે ચાલી રહી છે ટેસ્ટ સીરીઝ 
• બંને ટીમો વચ્ચે પહેલી ટેસ્ટ લોર્ડ્સ ખાતે રમાઇ રહી છે
• બંને ટીમોને 2019 નાં વર્લ્ડ કપની ઘટનાનું પુનરાવર્તન થતું યાદ આવ્યું 

બન્ને વચ્ચે ટેસ્ટ મેચો રમાઈ રહી છે 
ઇંગ્લેન્ડ અને ન્યુઝીલેન્ડ વચ્ચે પહેલી ટેસ્ટ લોર્ડ્સ ખાતે રમાઇ રહી છે. આ મેચમાં યજમાન ઇંગ્લેન્ડ ટીમ આગળ જોવા મળી રહી છે. શનિવારે મેચના ત્રીજા દિવસે ઇંગ્લેન્ડે બીજી ઇનિંગમાં 5 વિકેટે 216 રન બનાવ્યા હતા. તેને જીતવા માટે હજુ 61 રન બનાવવાના છે. પૂર્વ કેપ્ટન જો રૂટ 77 રને બેટિંગ કરી રહ્યો છે. પરંતુ મેદાન પર બનેલી એક ઘટનાએ બધાને 2019માં વનડે વર્લ્ડકપની ફાઇનલમાં થયેલા વિવાદની યાદ અપાવી દીધી હતી. આનાથી બચવા માટે ઇંગ્લેન્ડના કેપ્ટન બેન સ્ટોક્સ અને જો રૂટ પોતાના હાથ ઉચા કરી દીધા  હતા.

If you know, you know 😅

🏴󠁧󠁢󠁥󠁮󠁧󠁿 #ENGvNZ 🇳🇿 pic.twitter.com/ZyIcvwkk8B

— England Cricket (@englandcricket) June 4, 2022

મારો કશો જ વાંક નથી 
ઈંગ્લેન્ડની ઈનિંગની 43મી ઓવરમાં ડાબોડી ફાસ્ટ બોલર ટ્રેન્ટ બોલ્ટ બોલિંગ કરી રહ્યો હતો. જો રૂટે લેગ સાઇડ પર શોટ રમીને રન લેવાનો પ્રયાસ કર્યો હતો, પરંતુ ફિલ્ડરે તે પહેલા જ બોલને પકડી લીધો હતો અને નોન સ્ટ્રાઇકર એન્ડ પર ફેંક્યો હતો. આ દરમિયાન એક રન લેવાની કોશિશ કરી રહેલા સ્ટોક્સનાં હાથમાં બોલ વાગ્યો અને બોલ બાઉન્ડ્રી તરફ જવા લાગ્યો. જોકે, તેના પર કોઈ રન લીધા ન હતા. પરંતુ આ દરમિયાન બંને ટીમના ખેલાડીઓ હસવા લાગ્યા અને સ્ટોક્સે હાથ ઊંચા કરી દીધા. અને એ બતાવાની કોશિશ કરી કે આમાં મારો કશો જ વાંક નથી. 

વર્લ્ડ કપમાં આ મુદ્દે વિવાદ થયો હતો
14 જુલાઈ 2019ના રોજ ઈંગ્લેન્ડ અને ન્યૂઝીલેન્ડ વચ્ચે આ જ લોર્ડ્સના મેદાન પર વન-ડે વર્લ્ડકપની ફાઈનલ રમાઈ હતી. અંતિમ ઓવરમાં ઈંગ્લેન્ડને જીતવા માટે 15 રન કરવાના હતા. પ્રથમ 3 બોલમાં 6 રન આવ્યા હતા. બોલર ટ્રેન્ટ બોલ્ટ હતો અને બેટ્સમેન બેન સ્ટોક્સ હતો. ચોથા બોલ પર સ્ટોક્સે ડીપ મિડવિકેટ પર શોટ માર્યો હતો. આ દરમિયાન તેઓએ 2 રન લેવાનું શરૂ કરી દીધું. માર્ટિન ગુપ્ટિલે બાઉન્ડ્રી પરથી બોલ ફેંક્યો હતો. પરંતુ બોલ સ્ટોકસ નાં બેટ પર વાગ્યો અને બાઉન્ડ્રી તરફ જતો રહ્યો હતો. આ રીતે ઇંગ્લેન્ડને 6 રન મળ્યા હતા. બાદમાં સુપર ઓવર બાદ મેચ પણ ટાઈ થઈ હતી. વધુ બાઉન્ડ્રીના કારણે ઈંગ્લેન્ડની ટીમ પ્રથમ વખત ચેમ્પિયન બની હતી. ટેસ્ટ મેચના ત્રીજા દિવસે બનેલી આ ઘટનાએ ન્યૂઝીલેન્ડને ફરી આ દર્દની યાદ અપાવી દીધી હતી.