આવક / કોરોના બાદ ફરી સિનેમાઘરોમાં રોનક : રક્ષાબંધને અક્ષયની મૂવીએ મચાવી ધમાલ, જાણો કેટલી થઈ કમાણી

• ફિલ્મ બેલ બોટમને વધુ 4 દિવસનો વિકેન્ડ મળ્યો
• રક્ષાબંધનના દિવસે દર્શકો તરફથી સારો પ્રતિસાદ મળ્યો
• પ્રથમ વિકેન્ડમાં 13 કરોડ રૂપિયાથી વધુનો બિઝનેસ

રક્ષાબંધનના દિવસે 4.50 કરોડ રૂપિયા ફિલ્મની કમાણી

રવિવાર અને રક્ષાબંધનના પવિત્ર પર્વ પર ફિલ્મ 4.25-4.50 કરોડ રૂપિયાનો વ્યાપાર કરવામાં સફળ થઈ છે. બોક્સ ઓફિસ ઈન્ડિયા ડોટ કોમના એક રિપોર્ટ મુજબ, રવિવારે અંદાજીત કલેક્શનમાં થિયેટર વ્યવસાયમાં મર્યાદા હોવા છતાં વધારો જોવા મળ્યો. મહારાષ્ટ્ર જેવા મોટા રાજ્યોમાં થિયેટરો બંધ છે અને દેશના બાકી રાજ્યોમાં અલગ હિસાબ છે.

રવિવારે બેલ બોટમ ઘણાં લોકોએ જોયુ

આ અંદાજથી દેશભરમાં માત્ર 40 ટકાનું માર્કેટ રહી ગયુ છે. ફિલ્મનો વિકેન્ડ બિઝનેસ લગભગ 13 કરોડ રૂપિયા થવાની આશા છે. રવિવારે મોટાભાગના લોકોએ થિયેટરોની મુલાકાત લીધી હતી અને ફિલ્મને નિહાળી હતી. જેના કારણે ફિલ્મના બિઝનેસમાં ફેરફાર થયો હતો. કહેવામાં આવી રહ્યું છે કે, ફિલ્મ 45 કરોડનો આંકડો પાર કરે તો આ ફિલ્મ માટે અત્યંત હર્ષજનક માનવામાં આવી રહ્યું છે.

ફિલ્મની કુલ આવક

ફિલ્મની આજની આવક પરથી ફિલ્મનો અંદાજ ખબર પડશે. સોમવારે ફિલ્મ રશિયાઓ થિયેટરોમાં ઓછી સંખ્યામાં જાય છે કે પછી સંખ્યા પહેલા જેવી જ રહે છે. ઉલ્લેખનીય છે કે, ફિલ્મની પ્રથમ દિવસે કમાણી 2.75 કરોડ રૂપિયા થઈ હતી. બીજા દિવસે પણ 2.75 કરોડ રૂપિયાન બિઝનેસ રહ્યો હતો. જ્યારે ત્રીજા દિવસે 3.25 કરોડ રૂપિયાનો બિઝનેસ થયો હતો. એટલેકે પ્રથમ વિકેન્ડમાં ફિલ્મએ 13 કરોડ રૂપિયાથી વધુનો બિઝનેસ કર્યો છે.