નોકરી / એન્જિનિયરો માટે નોકરીની સૌથી સારી તક, મહિને 1.20 લાખ મળશે પગાર, જાણો કઈ રીતે કરશો એપ્લાય

• BEL દ્વારા સિનિય આસિસ્ટન્ટ એન્જિનિયરની ભરતી 
• 10 સપ્ટેમ્બર સુધી કરી શકાશે અરજી 
• મહિને 1.20 લાખ મળશે પગાર

ભારત ઈલેક્ટ્રોનિક્સ (BEL) એ સિનિયર આસિસ્ટન્ટ એન્જિનિયરની જગ્યાઓ માટે ભરતી કરવાનો નિર્ણય કર્યો છે. જેના માટે ઉમેદવારો BELની સત્તાવાર વેબસાઇટ bel-india.in પર જઈને અરજી કરી શકે છે. આ ભરતી માટે અરજી કરવાની છેલ્લી તારીખ 10મી સપ્ટેમ્બર છે.

કેટલી છે ખાલી જગ્યાઓ?  
આ ભરતી ઝુંબેશ દ્વારા, BELમાં સીનિયર આસિસ્ટન્ટ એન્જિનિયરની 6 જગ્યાઓ ભરવામાં આવશે.

શૈક્ષણિક લાયકાત 
આ ભરતી અભિયાન માટે અરજી કરવા માટે, ઉમેદવારોએ માન્યતા પ્રાપ્ત સંસ્થામાંથી ડિપ્લોમા પાસ હોવું જોઈએ. 

આટલો મળશે પગાર 
આ પદો પર પસંદ કરાયેલા ઉમેદવારોને 30 હજાર રૂપિયા પ્રતિ માસથી લઈને 1 લાખ 20 હજાર પ્રતિ માસની રેન્જમાં પગાર આપવામાં આવશે.

અહીં કરવામાં આવશે પોસ્ટ 
આ પોસ્ટ્સ પર પસંદ કરાયેલ ઉમેદવારોને BEL વિશાખાપટ્ટનમ, મુંબઈ, કોલકાતા ખાતે પોસ્ટ કરવામાં આવશે.

આ રીતે થશે પસંદગી
આ પોસ્ટ્સ માટે ઉમેદવારોની પસંદગી લેખિત કસોટી, વ્યક્તિગત ઇન્ટરવ્યુ, મેડિકલ ટેસ્ટના આધારે કરવામાં આવશે. આ ભરતી સંબંધિત વધુ માહિતી માટે, ઉમેદવારો સત્તાવાર નોટિફિકેશનની મદદ લઈ શકે છે.

આ રીતે કરો એપ્લાય

• સૌપ્રથમ ઉમેદવારો BELની સત્તાવાર વેબસાઇટ bel-india.in પર જવાનું રહેશે.
• ત્યાર બાદ ઉમેદવારો સીનિયર આસિસ્ટન્ટ ભરતીની લિંક પર ક્લિક કરવાનું રહેશે.
• ઉમેદવારોએ આપેલ સૂચના ધ્યાનથી વાંચવી.
• તે પછી ઉમેદવારોએ BEL ભરતી 2022 માટે અરજી ફોર્મ ભરવાનું રહેશે.
• હવે ઉમેદવારોએ અરજી ફોર્મમાં પૂછવામાં આવેલી તમામ વિગતો ભરવાની રહેશે.
• ફોર્મ સબમિટ કર્યા પછી, તેને ડાઉનલોડ કરો.
• અંતે ઉમેદવારોએ અરજી ફોર્મની પ્રિન્ટ આઉટ લઈ પોતાની પાસે રાખવાની રહેશે.