મધ્યપ્રદેશના છિંદવાડામાં રહેતા એક ભીખારીએ ભીખ માગવામાં તકલીફ ન પડે એટલે પત્ની માટે 90 હજારની બાઈક ખરીદી લઈને આવ્યો.
મધ્યપ્રદેશના છિંદવાડાની ઘટના
સંતોષ સાહુ નામનો ભીખારી પત્ની મુન્ની માટે ખરીદી લાવ્યો મોપેડ
પતિ-પત્ની મોપેડ પર બેસીને ભીખ માગી રહ્યાં છે
પત્નીને ભીખ માગવામાં પડતી હતી તકલીફ
સામાન્ય માણસને રોકડે નવી બાઈક ખરીદતા પરેસેવો પડી જતો હોય છે અને તેઓ માંડ માંડ રોકડે નવી બાઈક લઈ શકતા હોય છે પરંતુ એક પત્નીને ભીખ માગવામાં તકલીફ ન પડે એટલે એક ભીખારી 90 હજાર રુપિયા રોકડા કાઢીને નવી બાઈક ખરીદી લાવ્યો અને પત્નીને ભેટમાં આપી.
#WATCH A beggar, Santosh Kumar Sahu buys a moped motorcycle worth Rs 90,000 for his wife Munni in Chhindwara, MP
Earlier, we had a tricycle. After my wife complained of backache, I got this vehicle for Rs 90,000. We can now go to Seoni, Itarsi, Bhopal, Indore, he says. pic.twitter.com/a72vKheSAB
— ANI MP/CG/Rajasthan (@ANI_MP_CG_RJ) May 24, 2022
મધ્યપ્રદેશના છીંદવાડમાં સંતોષ સાહુ અને તેની પત્ની મુન્ની ભીખ માગીને જીવન પસાર કરી રહ્યાં છે. સંતોષ સાહુ અને મુન્ની બન્ને અપંગ છે અને તેથી તેમને ભીખ માગવામાં દૂર જવામાં ખૂબ તકલીફ પડતી હતી. ભીખ માગવામાં તો ફરવું પડે છે પરંતુ બન્ને પતિ પત્ની અપંગ હોવાથી ઝાઝે દૂર જઈ શકતા નહોતા. પોતાની સ્થિતિ તો ઠીક પરંતુ પત્નીની આવી હાલત જોઈને સંતોષને ખુબ દુખ થતું હતું.
ભીખારી દંપતિ છે અપંગ
મળતી માહિતી મુજબ સંતોષ કુમાર સાહુ અને તેમની પત્ની મુન્ની છિંદવાડા જિલ્લાના અમરવાડાના રહેવાસી છે. સંતોષ બંને પગમાં અપંગ છે. છીંદવાડા બસ સ્ટેન્ડ પર પતિ-પત્ની રોજ ભીખ માંગીને પોતાનું ગુજરાન ચલાવે છે. સંતોષ પોતે બંને પગમાં અપંગ છે અને તેની પત્ની પોતાનું તેમજ તેના પતિની સંભાળ રાખે છે. પરંતુ બંને વચ્ચે ખૂબ પ્રેમ છે અને બંને સાથે મળીને બંને સમય માટે ભોજન ખાય છે અને એક જ પૈસાથી પોતાનું ગુજરાન ચલાવે છે. સંતોષ પાસે ટ્રાઇસિકલ છે. જેને લઇને તેઓ ચાલતા હતા. પરંતુ ટ્રાઇસિકલ ચલાવતી વખતે તેને ઘણી સમસ્યાઓનો પણ સામનો કરવો પડ્યો હતો.
પત્નીને ટ્રાયસિકલથી ધક્કા મારતી જોઈને સંતોષનું પીગળ્યું દિલ
ઘણી વખત સંતોષ ટ્રાઇસિકલની મદદથી પણ ખરબચડા રસ્તા પર સારી રીતે જઇ શકતો ન હતો, પછી તેની પત્ની મુન્નીને ટ્રાઇસિકલને ધક્કો મારવો પડ્યો હતો. આવી સ્થિતિમાં એકવાર સંતોષના કહેવા પ્રમાણે મુન્નીની તબિયત લથડી હતી. તેની સારવારમાં 50 હજાર રૂપિયા ખર્ચાયા હતા. આ પછી મુન્ની માટે ટ્રાઇસિકલને ધક્કો મારવો ખૂબ જ મુશ્કેલ બની ગયો હતો.
90 હજાર રોકડા કાઢીને નવું મોપેડ ખરીદ્યું, પતિ-પત્ની મોપેડ પર બેસીને ભીખ માગવા જાય છે
આથી સંતોષે નક્કી કર્યું કે, હવે તે બાઈક રીદશે અને તેના માટે તેણે પૈસા પણ ઉમેરવાનું શરૂ કર્યું. એટલું જ નહીં, તેને લોકો પાસેથી રોજના લગભગ 300-400 રૂપિયા મળતા હતા. તેમજ બંને સમય માટે ભોજન મળતું હતું. પછી શું હતું, તેણે ચાલાકી કરીને આ પૈસા બચાવવાનું શરૂ કર્યું. તેમણે લગભગ 4 વર્ષ સુધી એક-એક રૂપિયો ઉમેર્યો. ધીરે ધીરે પોતાની મહેનત અને સમજદારીથી 90 હજાર રૂપિયા એકઠા કર્યા. હવે એ જ 90 હજાર રૂપિયા રોકડા આપીને તેણે પોતાના માટે મોપેડ ખરીદી લીધું છે, જેથી હવે પત્નીને ટ્રાઇસિકલ પર વધુ દબાણ કરવું ન પડે. હવે આ બંને પતિ-પત્ની આ મોપેડમાં રોજ ભીખ માંગવા જાય છે.