દયા બતાવવા માટે કોઇ ખર્ચ થતો નથી પરંતું તેનું મહત્વ ઘણું હોય છે. એક વીડિયો હમણા વાયરલ થઇ રહ્યો છે જેમાં એક ગરીબ વ્યક્તિ કુતરાને બિસ્કીટ ખવડાવી રહ્યાં છે અને ખૂબ જ પ્રેમ બતાવી રહ્યાં છે. આ વીડિયોને IFS ઓફિસર નંદાએ શૅર કર્યો છે.
ગરીબ ભીખારીનો વીડિયો થયો વાયરલ
ખીસામાં રૂપિયા ન હોય પણ દિલ અમીર છે
આ વીડિયોને ઘણી બધી લાઇક્સ અને શૅર્સ મળી ચૂક્યા છે. નંદાએ કેપ્શન લખ્યું છે કે પૈસાથી ગરીબ અને દિલથી અમીર. આ વીડિયો માઇક્રોબ્લોગિંગ પ્લેટફોર્મ અને સોશિયલ મિડીયામાં ખૂબ વાયરલ થઇ રહ્યો છે.
ઘણા બધા યુઝર્સે તેની પર કમેન્ટ કરી છે તો કેટલાક યુઝર્સ તો ઇમોશનલ પણ થઇ ગયા છે. એક યુઝરે લખ્યુ કે, વેરી ટચિંગ. જ્યારે બીજા યુઝર્સ આ ઇમોશનલ વીડિયોને શૅર કરી રહ્યાં છે. બીજા યુઝરે લખ્યું કે રિચેસ્ટ પર્સન ઓફ ધ યર.
ઘણા લોકો તક્તી પર નામ લખાવવા માટે દાન કરતા હોય છે તો કેટલાક લોકો ફેમસ થવા માટે આ પ્રકારના કામ કરતા હોય છે પરંતુ આ વ્યક્તિ કે જેની પાસે કંઇ જ નથી તે વ્યક્તિ પણ કુતરાઓનું ધ્યાન રાખી રહ્યો છે અને તેમને સાચવી રહ્યો છે.
May God grant health and strength to this person! It can be seen that he is starving himself, but shares food with the puppies! When you feel bad, help someone who is even worse, and you will see that everything is not so bad!
— Galina Strelkovskaya (@GStrelkovskaya) July 16, 2020
કોરોનાના આ કપરા કાળમાં જ્યારે પરિવાર પણ એક નથી રહી શકતો તેવા સમયમાં આ વૃદ્ધ ગરીબ વ્યક્તિને નાના જીવની પણ ચિંતા છે જેને કારણે તે ઇન્ટરનેટ પર છવાઇ ગયો છે. દરેક વ્યક્તિએ આ વૃદ્ધ ગરીબ વ્યક્તિ પાસેથી પ્રત્યેક જીવનું મહત્વ છે તે શીખવું જોઇએ અને આસ પાસ રહેલા પ્રાણીઓનું પણ ધ્યાન રાખવું જોઇએ.