ક્રિકેટ / T20 વર્લ્ડ કપ પહેલા ભારતને લાગ્યો તગડો ઝટકો, વિઝા ન મળવાને કારણે આ બે ખેલાડી ન જઈ શક્યા ઓસ્ટ્રેલીયા

• ટી20 વર્લ્ડ કપ માટે ભારતીય ટીમ ઓસ્ટ્રેલીયા પહોંચી ચૂકી છે
• વિઝાના કારણે ભારતના બે સ્ટાર ખેલાડીઓ ઓસ્ટ્રેલિયા ન પંહોચી શક્યા 
• ભારત ખિતાબ જીતવા માટે પ્રબળ દાવેદાર દેખાઈ રહ્યું છે

ઓસ્ટ્રેલીયામાં ટી20 વર્લ્ડ કપ 2022 રમવામાં આવશે અને ટૂર્નામેન્ટની પહેલી મેચ 16 ઓકટોબરના રોજ રમવામાં આવશે. જોકે ટીમ ઈન્ડિયા 23 ઓકટોબરના રોજ પાકિસ્તાન સામે મેચ રમીને વર્લ્ડ કપમાં શરૂઆત કરશે. ટી20 વર્લ્ડ કપ માટે ભારતીય ટીમ ઓસ્ટ્રેલીયા પહોંચી ચૂકી છે અને ત્યાં રોહિત શર્માની આગેવાનીમાં ભારતીય ટીમે પ્રેક્ટિસ પણ શરૂ કરી દીધી છે. આ વખતે ટીમ ઈન્ડિયા પાસે ઇતિહાસ બનાવવાનો ઘણો સારો મોકો છે. વર્ષ 2007માં આપણને વર્લ્ડ કપ જીત્યો હતો અને એ પછીથી દરેક ભારતીય વર્લ્ડ કપની રાહ જોઈને બેઠું છે. અને 15 વર્ષ બાદ ફરીથી રોહિત શર્માની કેપ્ટન્સીમાં ભારત ખિતાબ જીતવા માટે પ્રબળ દાવેદાર દેખાઈ રહ્યું છે. પણ વિઝાના કારણે ભારતના બે સ્ટાર ખેલાડીઓ ઓસ્ટ્રેલિયામાં ટીમ સાથે જોડાઈ શક્યા નથી. 

વિઝાને કારણે ન જઈ શક્યા આ બે ખેલાડી
ભારતના ફાસ્ટ બોલર ઉમરાન મલિક અને કુલદીપ સેન ટી-20 વર્લ્ડ કપ માટે ઓસ્ટ્રેલિયા જવાના હતા પણ તેમના વિઝામાં આવતી સમસ્યાઓના કારણે વિલંબ થઈ રહ્યો છે. મળતી જાણકારી અનુસાર ઉમરાન મલિકને વર્લ્ડ કપ માટે નેટ બોલર તરીકે પસંદ કરવામાં આવ્યો હતો પણ હવે તે મોહાલીમાં સૈયદ મુશ્તાક અલી ટ્રોફીમાં જમ્મુ-કાશ્મીરની ટીમ તરફથી રમશે. ઉમરાન મલિકને ભારતીય ક્રિકેટ કંટ્રોલ બોર્ડ (BCCI) એ મુશ્તાક અલી ટ્રોફી માટે જમ્મુ અને કાશ્મીર ટીમ તરફથી રમવાનું છૂટ મળી છે.  ઉમરાન મલિક ક્યારે ઓસ્ટ્રેલિયા જશે તે હજુ સ્પષ્ટ નથી થયું અને એટલા સમય માટે તેઓ મેઘાલય સામેની મેચ માટે ઉપલબ્ધ રહેશે. 

કુલદીપે પણ ન જઈ શક્યા ઓસ્ટ્રેલીયા 
રિપોર્ટમાં એમ પણ મળ્યું છે કે બીજા નેટ બોલર તરીકે પસંદ કરેલ  કુલદીપ સેનનું ઓસ્ટ્રેલિયા જવામાં પણ વિલંબ થયો છે. આ સિવાય તે મંગળવારે રાજકોટમાં રાજસ્થાન સામેની મુસ્તાક અલી ટ્રોફીમાં મધ્યપ્રદેશ તરફથી રમશે કે નહીં એ વિશે પણ કોઈ સ્પષ્ટતા નથી થઇ. 

12 ઓક્ટોબરે જઈ શકે છે ઓસ્ટ્રેલીયા 
મોહમ્મદ સિરાજ અને કુલદીપ સેન 6 ઓક્ટોબરના રોજ ભારતીય ટીમ સાથે પર્થમાં ભારતના ટ્રેનિંગ બેઝ પર જવાના હતા પણ મલિક વિઝાની સમસ્યાને કારણે નહતા જઈ શક્ય. હવે મલિક અને સેન અન્ય વૈકલ્પિક ખેલાડીઓ સાથે 12 ઓક્ટોબરે ઓસ્ટ્રેલિયા જવા રવાના થાય તેવી શક્યતા છે.