ડેબી લેસ્કોએ પૂછપરછ દરમિયાન ભારત અને અન્ય દેશોનો ઉલ્લેખ કરતાં કહ્યું કે ટિકટોક વિશે વર્ષોથી ઘણા દાવા કરવામાં આવ્યા છે. કોઈને કોઈ કારણસર તે ઘણા દેશોમાં પ્રતિબંધિત છે.
કેટલાક દેશોની સરકારોએ પહેલાથી જ ટિકટોક પર પ્રતિબંધ લગાવી દીધો
આઈટી કંપની ચીનની સરકાર સાથે ડેટા શેર કરતી નથી
કોઈને કોઈ કારણસર TikTok ઘણા દેશોમાં પ્રતિબંધિત છે
યુએસ કોંગ્રેસના સભ્યોએ ફેડરલ સરકારને ચીનની માલિકીની આ વીડિયો સોશિયલ મીડિયા એપ પર પ્રતિબંધ મૂકવાની માંગ કરી હતી. નોંધનીય છે કે બાઈડન પ્રશાસન અમેરિકાના કેટલાક રાજ્યો અને કેટલાક દેશોની સરકારોએ પહેલાથી જ ટિકટોક પર પ્રતિબંધ લગાવી દીધો છે. ઘણી કંપનીઓએ કામ માટે આપવામાં આવેલા ફોનમાં ટિકટોકના ઉપયોગ પર પણ પ્રતિબંધ મૂક્યો છે. એવું કહેવામાં આવી રહ્યું છે કે સરકારી કામ સાથે જોડાયેલા ડેટાની સુરક્ષા માટે આ પ્રકારનો પ્રતિબંધ અસરકારક સાબિત થઈ શકે છે પણ એપ્લિકેશન પર સંપૂર્ણ પ્રતિબંધ એ એક અલગ બાબત છે, જે ઘણા પ્રશ્નો ઉભા કરે છે.
આઈટી કંપની ચીનની સરકાર સાથે ડેટા શેર કરતી નથી
TikTok CEO શૌ જી ચ્યુએ સુરક્ષાની વધતી ચિંતાઓ અને કંપની પર ચીન સરકારના સંભવિત પ્રભાવ વચ્ચે ગુરુવારે યુએસ કોંગ્રેસ સમક્ષ તેનો પક્ષ રજૂ કર્યો હતો. આ દરમિયાન ચ્યુએ પાંચ કલાકથી વધુ સમય સુધી હાઉસ એનર્જી એન્ડ કોમર્સ કમિટીના અનેક અઘરા પ્રશ્નોનો સામનો કર્યો. ચીનની સરકારના પ્રભાવ અંગે ચ્યુએ કહ્યું કે તેમની ચાઈનીઝ આઈટી કંપની ચીનની સરકાર સાથે ડેટા શેર કરતી નથી. યુએસમાં ટિકટોકના 150 મિલિયન યુઝર્સનો ડેટા એકદમ સુરક્ષિત છે
ભારત પ્રતિબંધનું ઉદાહરણ આપ્યું
આ દરમિયાન ડેમોક્રેટ્સ અને રિપબ્લિકનએ Tiktok CEO પર આકરા પ્રહારો કર્યા હતા. નોંધનીય છે કે યુએસ રિપબ્લિકન કોંગ્રેસમેન ડેબી લેસ્કોએ પૂછપરછ દરમિયાન ભારત અને અન્ય દેશોનો ઉલ્લેખ કરતાં કહ્યું કે ટિકટોક વિશે વર્ષોથી ઘણા દાવા કરવામાં આવ્યા છે. કોઈને કોઈ કારણસર તે ઘણા દેશોમાં પ્રતિબંધિત છે. આટલા બધા દેશો અને અમારા એફબીઆઈ ડાયરેક્ટર ખોટા કેવી રીતે હોઈ શકે?"
TikTok CEO grilled on connection with China, calls India's ban 'hypothetical' and theoretical
જો કે આ પ્રશ્ન પર ચ્યુએ કહ્યું કે મને લાગે છે કે ઘણા દેશોની ચિંતાઓ કાલ્પનિક અને સૈદ્ધાંતિક છે. હજુ સુધી કોઈએ આ સાબિત કર્યું નથી.
ફોર્બ્સના રિપોર્ટમાં ખુલાસો થયો
ચ્યુના જવાબ બાદ, ડેબી લેસ્કોએ ફરી એકવાર ભારત દ્વારા લાદવામાં આવેલા પ્રતિબંધની ચર્ચા કરતાં કહ્યું હતું કે લેસ્કોએ તેના સાથીદારોને માર્ચ 21 ફોર્બ્સના લેખ વિશે જણાવ્યું. જણાવી દઈએ કે ત્રણ દિવસ પહેલા ફોર્બ્સે ખુલાસો કર્યો હતો કે ટિકટોક પાસે હજુ પણ ભારતીય નાગરિકોના અંગત ડેટા છે જેનો તે ઉપયોગ કરે છે. ટિકટોકના એક કર્મચારીએ ફોર્બ્સને કહ્યું કે મને નથી લાગતું કે ભારતીયો જાણતા હોય કે પ્રતિબંધ હોવા છતાં તેમનો કેટલો ડેટા ચીનની પાસે છે. TikTok ભારતમાં રહેલા તમામ TikTok યુઝર્સનો વિગતવાર ડેટા પુનઃપ્રાપ્ત કરી શકે છે અને તેનું વિશ્લેષણ કરી શકે છે.
#WATCH via ANI Multimedia | TikTok CEO grilled by US Congress; India’s ban of TikTok and data privacy issues brought uphttps://t.co/CNx9hMlKDF
Tiktok CEOએ આપ્યો જવાબ
ટિકટોકના સીઈઓ ચ્યુએ યુએસ સાંસદના દાવાનો જવાબ આપ્યો કે તે તાજેતરમાં પ્રકાશિત થયેલ આ લેખ વિશે જાણ કરી છે અને તેના વિશે વધુ માહિતી એકત્રિત કરવા જણાવ્યું છે. ચ્યુએ કહ્યું કે તેમની પાસે કડક ડેટા એક્સેસ પ્રોટોકોલ છે. એવું શક્ય નથી કે કોઈ પણ યૂઝર્સનો ડેટા સરળતાથી એક્સેસ કરી શકે. ચ્યુએ ખાતરી આપી કે તેમની કંપની સામગ્રીને કોઈપણ સરકારી દખલથી મુક્ત રાખશે.